അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ജസ്റ്റീസ് സിറിയക് ജോസഫിന്റെ ബഹുമാനോാര്‍ത്ഥം ഒരു ഫുള്‍ കോര്‍ട്ട് റെഫറണ്‍സ് നാളെ ഉച്ചക്ക് 12.15ന് ലോകായുക്ത കോടതി ഹാളില്‍ നടത്തും. ജസ്റ്റീസ് സിറിയക് ജോസഫ് ലോകായുക്തയായിരുന്ന കാലയളവില്‍ 2087 കേസുകളാണ് കേരള ലോകായുക്തയില്‍ ഫയല്‍ ചെയ്യപ്പെട്ടിട്ടുള്ളത്. 3021 കേസുകള്‍ ഇക്കാലയളവില്‍ തീര്‍പ്പാക്കി. 28/03/2019 ന് മുന്‍പ് ഫയല്‍ ചെയ്ത കേസുകളും തീര്‍പ്പാക്കിയവയില്‍ ഉള്‍പ്പെടും. 1344 കേസുകളാണ് ലോകായുക്തയുടെ ഡിവിഷന്‍ ബെഞ്ച് ഇക്കാലയളിവില്‍ തീര്‍പ്പാക്കിയത്. ഇവയില്‍ 1313 കേസുകളിലെ ഉത്തരവ് ജസ്റ്റീസ് സിറിയക് ജോസഫ് ആണ് തയ്യാറാക്കിയത്. 116 കേസുകളില്‍ സെക്ഷന്‍ 12 പ്രകാരമുള്ള റിപ്പോര്‍ട്ട് സര്‍ക്കാരിന് നല്കി. അതില്‍ 99 റിപ്പോര്‍ട്ടുകള്‍ തയ്യാറാക്കിയത് ജസ്റ്റീസ് സിറിയക് ജോസഫ് ആണ്. 693 കേസുകളാണ് നിലവില്‍ തീര്‍പ്പാക്കുവാനുള്ളത്.
