അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോട്ടയം: കൂട്ടിക്കലില്‍ നിന്ന് കാണാതായ നാലാം ക്ലാസ് വിദ്യാർത്ഥികളെ കണ്ടെത്തി. തിരച്ചിലിന് ഒടുവില്‍ സ്‌കൂളിന് അടുത്തുള്ള റമ്പൂട്ടാന്‍ തോട്ടത്തില്‍ നിന്നാണ് രണ്ട് വിദ്യാര്‍ത്ഥികളെയും കണ്ടെത്തിയത്.
സ്‌കൂളില്‍ പോയ കുട്ടികള്‍ ഇന്ന് വൈകീട്ട് വീട്ടില്‍ തിരിച്ചെത്താതിരുന്നതോടെയാണ് തിരച്ചില്‍ ആരംഭിച്ചത്. ഏന്തയാര്‍ സ്വദേശികളായ സാന്‍ജോ, അമൃത് എന്നിവരെയാണ് കാണാതായത്. സ്‌കൂള്‍ വിട്ട ശേഷം അവിടെ നിന്നും ഇറങ്ങിയ ഇവര്‍ വീട്ടിലെത്തിയില്ലെന്നാണ് മാതാപിതാക്കള്‍ പറഞ്ഞത്. തുടർന്ന് അയ്മനം പൊലീസ് കേസെടുത്തിരുന്നു.
നാട്ടുകാരും പൊലീസും നടത്തിയ തിരച്ചിലിനൊടുവിലാണ് സ്‌കൂളിന് അടുത്തുള്ള റമ്പൂട്ടാന്‍ തോട്ടത്തില്‍ നിന്നും ഇരു വിദ്യാര്‍ഥികളെയും കണ്ടെത്തിയത്.
