അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പത്തനംതിട്ട: ചെങ്ങന്നൂർ വെൺമണിയിൽ എം ഡി എം എയുമായി യുവാവ് പിടിയിൽ. ചെറിയനാട് കൊല്ലുകടവ് വരിക്കോലിൽ തെക്കേതിൽ അപ്പു(19) ആണ് 9 ഗ്രാം എം ഡി എം എയുമായി പിടിയിലായത്.
ചെങ്ങന്നൂർ വെൺമണി ഓട്ടാഫിസ് ജംഗ്ഷന് സമീപം ജില്ലാ ലഹരി വിരുദ്ധ സ്ക്വാഡും വെൺമണി പോലിസും ചേർന്നാണ് ഇയാളെ പിടികൂടിയത്.
മാസങ്ങളായി ബെംഗളുരിൽ നിന്നും എം ഡി എം എ നാട്ടിലെത്തിച്ച് വിൽപ്പന നടത്തിവരികയായിരുന്നു ഇയാൾ.
പഠിക്കുന്ന കാര്യം അന്വേഷിക്കാൻ എന്ന വ്യാജേനയാണ് ഇയാൾ ബംഗളൂരുവിൽ പോയി വന്നിരുന്നത്. ഇയാൾ ലഹരി എത്തിക്കുന്ന ഏജന്റ് മാത്രമാണോ എന്നും കുടുതൽ ആളുകളെ കേന്ദ്രീകരിച്ച് അന്വേഷണം തുടരുന്നുവെന്നും പോലിസ് പറഞ്ഞു.
ലഹരി വിരുദ്ധ സ്ക്വാഡും വെൺമണി എസ് ഐ ദിജേഷ്, സീനിയർ സി പി ഒ വിവേക്,പത്മരാജൻ, സനൻ കുമാർ എന്നിവരും ചേർന്നാണ് പ്രതിയെ പിടികൂടിയത്.
