മധുരം പകരാൻ അൽപം സ്റ്റൈലൻ പനാകോട്ട

ആവശ്യമായ ചേരുവകൾ

1. ചൈനാഗ്രാസ് – ഒരു ചെറിയ സ്പൂൺ നിറച്ച്

2. വെള്ളം – മൂന്ന്–നാലു വലിയ സ്പൂൺ

3. കൊഴുപ്പുള്ള പാൽ – അരക്കപ്പ് തിക്ക് ക്രീം – ഒരു കപ്പ്

4. വനില – ഒരു ചെറിയ സ്പൂൺ

5. ചോക്‌ലെറ്റ് സോസ്, പലതരം പഴങ്ങൾ പഞ്ചസാര ചേർത്തു വേവിച്ചത് – പാകത്തിന്

തയ്യാറാക്കുന്ന വിധം

ചൈനാഗ്രാസ് വെള്ളം ചേർത്ത് ഇടത്തരം തീയിൽ വച്ച് ഉരുക്കണം. മറ്റൊരു ബൗളിൽ ക്രീമും പാലും യോജിപ്പിച്ച് അടുപ്പത്തു വയ്ക്കുക. ചെറിയ കുമിളകൾ വന്നു തുടങ്ങുമ്പോൾ അടുപ്പിൽ നിന്നു വാങ്ങി വനില ചേർത്തിളക്കണം. ഇതിലേക്കു ചൈനാഗ്രാസ് ഉരുക്കിയത് അരിച്ചൊഴിക്കുക. നന്നായി ഇളക്കി ഫ്രിഡ്ജിൽ വച്ചു സെറ്റ് ചെയ്യുക. ചോക്‌ലെറ്റ് സോസിനും പലതരം പഴങ്ങൾ പഞ്ചസാര ചേർത്തു വേവിച്ചതിനും ഒപ്പം വിളമ്പാം.