അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡല്‍ഹി: അരവിന്ദ് കെജ്‍രിവാളിന്‍റെ ഹർജിയിൽ ഇ.ഡിക്ക് നോട്ടീസ് ഡല്‍ഹി ഹൈക്കോടതിയാണ് നോട്ടീസയച്ചത്. ഉപഹർജിയില്‍ ഉച്ചയ്ക്ക് ശേഷവും വാദം കേള്‍ക്കും.
മദ്യനയ അഴിമതിക്കേസിലെ എല്ലാ അറസ്റ്റും നിയമ വിരുദ്ധമാണ് തെരഞ്ഞെടുപ്പ് മുൻനിർത്തിയാണ് തന്നെ അറസ്റ്റ് ചെയ്തതെന്നും അരവിന്ദ് കെജ്‍രിവാൾ ഡൽഹി ഹൈക്കോടതിയെ അറിയിച്ചിരുന്നു.
ഇ.ഡിയുടെ നടപടിക്രമങ്ങളിലെല്ലാം അടിമുടി നിയമ വിരുദ്ധത നിറഞ്ഞതാണെന്നും കെജ്‍രിവാളിന്‍റെ അഭിഭാഷകൻ മനു അഭിഷേക് സിങ്‍വി കോടതിയിൽ പറഞ്ഞു. അതിനിടെ മദ്യനയ അഴിമതിയിലെ പണം എവിടെപോയെന്ന് നാളെ കോടതിയിൽ വെളിപ്പെടുത്തുമെന്ന് കെജ്‍രിവാൾ പറഞ്ഞിരുന്നു.
മാതൃകാപെരുമാറ്റ ചട്ടം നിലവിൽ വന്ന ശേഷമായതിനാൽ അറസ്റ്റു ജനാധിപത്യവിരുദ്ധമാണെന്നും ഇ.ഡി രാഷ്ട്രീയപരമായാണ് പ്രവർത്തിക്കുന്നതെന്നും സിങ്‍വി കോടതിയിൽ ചൂണ്ടിക്കാട്ടി. ഈ വാദത്തിന്റെ പുറത്താണ് ഇ.ഡിക്ക് ഹൈക്കോടതി നോട്ടീസ് അയച്ചത്. എന്നാൽ ഇ.ഡിക്ക് നോട്ടീസ് അയക്കുകയല്ല വേണ്ട,എത്രയും പെട്ടന്ന് കെജ്‍രിവാളിനെ മോചിപ്പിക്കണം എന്ന് കാട്ടി ഉപഹർജിയും നൽകി. ഉപഹർജിയിൽ ഉച്ചയ്ക്ക് ശേഷവും വാദം കേള്‍ക്കും.
