അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പശ്ചിമ ബംഗാൾ: തൃണമുൽ കോൺഗ്രസ് ലോക്‌സഭാ തെരഞ്ഞെടുപ്പ് സ്ഥാനാർഥിയുമായ യൂസഫ് പത്താൻ തെരഞ്ഞെടുപ്പ് ചട്ടലംഘനം നടത്തിയെന്ന പരാതിയുമായി കോൺഗ്രസ്. മുൻ ക്രിക്കറ്റ് താരമായ പത്താൻ ലോകകപ്പ് വിജയ ജേതാവ് കൂടിയാണ്.
പ്രചാരണത്തിനായ് പത്താൻ ഇന്ത്യ 2011ൽ ലോകകപ്പ് ക്രിക്കറ്റിൽ വിജയം നേടിയതിന്റെ പോസ്റ്ററുകൾ ഉപയോഗിച്ചതോടെയാണ് പുതിയ വിവാദങ്ങൾ ആരംഭിച്ചിരിക്കുന്നത്. സംഭവത്തിൽ കോൺഗ്രസ് തെരഞ്ഞെടുപ്പ് കമ്മീഷന് പരാതി നൽകി. തൃണമുൽ കോൺഗ്രസിന്റെ സ്ഥാനാർഥിയായ യൂസഫ് പത്താൻ ബഹ്‌രാംപൂർ മണ്ഡലത്തിൽ നിന്നാണ് ജനവിധി തേടുന്നത്.
സംസ്ഥാനത്തെ മുഖ്യ തെരഞ്ഞെടുപ്പ് ഓഫീസർക്ക് നൽകിയ പരാതിയിൽ പത്താൻ ഇന്ത്യയുടെ വിജയത്തിന്റെ പോസ്റ്ററുകളും ചിത്രങ്ങളും ഉപയോഗിച്ചെന്നും, ഇത് തെരഞ്ഞെടുപ്പ് ചട്ടങ്ങളുടെ ലംഘനമാണെന്നും പറയുന്നു. പത്താനെതിരെ തെരഞ്ഞെടുപ്പ് കമ്മീഷൻ ശക്തമായ നടപടി സ്വീകരിക്കണമെന്നും പരാതിയിൽ ആവശ്യപ്പെടുന്നുണ്ട്.
ഭാരതരത്‌ന ജേതാവായ സച്ചിനുൾപ്പടെ ചിത്രത്തിലുള്ളതിനാലും ചിത്രം ഇന്ത്യൻ ടീമീന്റേതായതിനാലും ഇത് ഉപയോഗിക്കാൻ പാടില്ലെന്നാണ് കോൺഗ്രസിന്റെ നിലപാട്.
ബഹ്‌രാംപൂറിൽ നിന്നും തുടർച്ചയായി അഞ്ച് തവണ ലോക്‌സഭയിലേക്ക് തെരഞ്ഞെടുക്കപ്പെട്ട കോൺഗ്രസിന്റെ അധീർ രജ്ഞൻ ചൗധരിയാണ് യൂസഫ് പത്താനുമായി പോരാടുന്നത്.
തന്റെ കൂടെ കഠിനാദ്ധ്വാനമാണ് ലോകകപ്പ്, ഈ വലിയ നേട്ടം അധികം ആളുകൾക്കില്ല, തന്റെ വിജയം പ്രചാരണത്തിനുപയോഗിക്കുന്നത് തെറ്റല്ലെന്നും, അഥവാ തെറ്റുകളുണ്ടെങ്കിൽ തെരഞ്ഞെടുപ്പ് കമ്മീഷൻ അത് വിലയിരുത്തുമെന്നും അതിനെ നിയമപരമായി നേരിടുമെന്നും സംഭവത്തിനെതിരെ പ്രതികരിച്ച് യൂസഫ് പത്താൻ പറഞ്ഞു.
