അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം:നെയ്യാറ്റിൻകര കൊലക്കേസ് പ്രതികൾ ഉപയോഗിച്ച കാറിന്റെ ഉടമയുടെ പിതാവിനെ തൂങ്ങിമരിച്ചനിലയിൽ കണ്ടെത്തി.കാറിന്റെ ഉടമ അച്ചുവിന്റെ പിതാവ് ഡ്രൈവർ സുരേഷിനെ ഇന്നു രാവിലെയാണ് ജോലിസ്ഥലമായ ഓലത്തന്നിയിൽ തൂങ്ങി മരിച്ച നിലയിൽ കണ്ടെത്തിയത്.
നെയ്യാറ്റിൻകര കൊടങ്ങാവിളയിൽ നടുറോഡിൽ ഊരുട്ടുകാല സ്വദേശി ആദിത്യനെ (23) ആണ് ഇന്നലെ രാത്രി വെട്ടിക്കൊലപ്പെടുത്തിയത്.വാഹന ഉടമയ്ക്കു കൊലപാതകത്തിൽ പങ്കുണ്ടോ എന്നു പൊലീസ് പരിശോധിച്ചു വരികയാണ്.വെള്ള കാറിലെത്തിയ സംഘമാണ് ആദിത്യനെ തടഞ്ഞു നിർത്തി വെട്ടിയത്.
കാറിൽ അഞ്ചുപേരുണ്ടായിരുന്നു. ആദ്യം ആദിത്യനുമായി ഉന്തും തള്ളുമുണ്ടായി. വഴക്കിനിടെ സംഘത്തിൽ ഒരാൾ കഴുത്തിൽ വെട്ടി. ആശുപത്രിയിലെത്തിച്ചെങ്കിലും മരിച്ചു. നെല്ലിമൂടിനു സമീപം ഭാസ്കർ നഗർ സ്വദേശിയുമായി ആദിത്യന് സാമ്പത്തിക ഇടപാടുകൾ ഉണ്ടായിരുന്നതായി പൊലീസ് പറയുന്നു. കൊലപാതകികളിൽനിന്ന് ആദിത്യൻ വാങ്ങിയ 20,000 രൂപ മടക്കി നൽകാത്തതാണ് കൊലപാതത്തിലേക്കു നയിച്ചതെന്നു പൊലീസിന് വിവരം ലഭിച്ചിട്ടുണ്ട്.
Read also :ഈസ്റ്റർ ആഘോഷിക്കാൻ പറ്റാത്ത നിർഭാഗ്യവാന്മാരുണ്ട്: ക്രൈസ്തവർ പ്രശ്നങ്ങൾ നേരിടുന്നു: മാർ റാഫേൽ
