അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബായ്: റമാദാൻ മാസം ആയാൽ രാജ്യത്ത് എത്തി ഭിക്ഷാടനം നടത്തുന്ന സംഘം സജീവമാകും. ഇത്തരക്കാരെ കണ്ടെത്തുന്നതിന് വേണ്ടി ക്യാംപെയ്ൻ ശക്തമാക്കാൻ ആണ് തീരുമാനിച്ചിരിക്കുന്നത്. റമസാനിലെ ആദ്യ രണ്ടാഴ്ചയ്ക്കിടെ 202 യാചകരെ ആണ് ദുബായ് പോലീസ് അറസ്റ്റ് ചെയ്തത്. 112 പുരുഷന്മാരും 90 സ്ത്രീകളുമാണ് അറസ്റ്റിലായിരിക്കുന്നത്.
പിടിയിലായിരിക്കുന്ന കുറ്റവാളികൾക്ക് കുറഞ്ഞത് 5,000 ദിർഹം പിഴയും മൂന്ന് മാസം വരെ തടവും ലഭിക്കും. കുറഞ്ഞ സമയത്തിൽ കൂടുതൽ പണം സമ്പാദിക്കാനുള്ള ഒരു വഴിയായി ആണ് പലരും ഇതിനെ കാണുന്നത്. റമാദാൻ മാസത്തിൽ സക്കാത്ത് നൽകിയാൽ കൂടുതൽ പുണ്യം ലഭിക്കുമെന്നതിനാൽ പലരും ഈ അവസരം മുതലെടുക്കും. മറ്റു രാജ്യങ്ങളിൽ നിന്നും റമദാൻ മാസം ആയാൽ സന്ദർശക വിസയിൽ എത്തി വലിയ തുക കെെവശപ്പെടുത്തി ഇവർ നാട്ടിലേക്ക് മടങ്ങും. ദുബായ് പൊലീസിലെ സസ്പെക്ട്സ് ആൻഡ് ക്രിമിനൽ ഫിനോമിന ഡിപ്പാർട്ട്മെന്‍റ് ഡയറക്ടർ ബ്രി. അലി സലേം അൽ ഷംസിയുടെ നേതൃത്വത്തിലാണ് നിയമലംഘകരെ കണ്ടെത്തുന്നതിനുള്ള നടപടികൾ സ്വീകരിക്കുന്നത്.
ഭിക്ഷാടന നിരോധിച്ച് സ്ഥലങ്ങളിൽ പോലും ആളുകൾ എത്തും. റമദാൻ സമയത്ത് പല രാജ്യങ്ങളിൽ നിന്നും ആളുകളെ എത്തിച്ച് രാജ്യത്ത് ഭിക്ഷാടനം നടത്തുന്ന ഒരു സംഘം തന്നെ പ്രവർത്തിക്കുന്നുണ്ട്. ഇത്തരത്തിലുള്ള ആളുകളെ കണഅടെത്തിയാൽ 100,000 ദിർഹത്തിൽ കുറയാത്ത പിഴയുമാണ് ശിക്ഷ.
യാചകരെന്ന് ആരോപിക്കപ്പെടുന്നവരുമായി ഇടപഴകരുതെന്ന് നിർദേശം നൽകിയിട്ടുണ്ട്. ഏതെങ്കിലും നിയമവിരുദ്ധ പ്രവർത്തനങ്ങളോ ഭിക്ഷാടനമോ കണ്ടാൽ 901 എന്ന നമ്പറിൽ വിളിച്ചോ ദുബായ് പൊലീസിന്‍റെ സ്മാർട്ട് ആപ്പിലെ ‘പൊലീസ് ഐ’ സേവനം ഉപയോഗിച്ചോ റിപ്പോർട്ട് ചെയ്യണം.
