അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇടുക്കി: ഉടുമ്പന്‍ചോല മണ്ഡലത്തില്‍ നിരവധി പേര്‍ക്ക് ഇരട്ടവോട്ടുള്ളതായി റവന്യൂ വകുപ്പ്. ഉടുമ്പന്‍ചോല പഞ്ചായത്തിലെ തോട്ടം തൊഴിലാളികള്‍ക്കാണ് കേരളത്തിലും തമിഴ്‌നാട്ടിലും വോട്ടുള്ളതായി റവന്യൂ വകുപ്പ് പരിശോധനയില്‍ കണ്ടെത്തിയത്. പരിശോധനയില്‍ ഇരട്ടവോട്ടുള്ളതായി കണ്ടെത്തിയ 174 പേര്‍ക്ക് റവന്യൂ വകുപ്പ് നോട്ടീസ് അയച്ചു.
ഉടുമ്പന്‍ചോല പഞ്ചായത്തിലെ ആറ്, 12 എന്നീ വാര്‍ഡുകളിലെ 174 പേര്‍ക്ക് ഇരട്ട വോട്ടുകളുണ്ടെന്നാണ് കണ്ടെത്തിയത്. ഉടുമ്പന്‍ചോലയിലെയും തമിഴ്‌നാട്ടിലെ തേനി ജില്ലയിലെ കമ്പം മണ്ഡലത്തിലെയും വോട്ടോഴ്‌സ് ലിസ്റ്റുകളിലാണ് പേരുള്ളത്. ഇടുക്കിയിലെ അതിര്‍ത്തി മേഖലകളില്‍ ഇരട്ട വോട്ടുകളുണ്ടെന്ന ബിജെപി പരാതിക്ക് പിന്നാലെയായിരുന്നു പരിശോധന.
