അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മീൻ കൊണ്ടുള്ള വിഭവങ്ങള്‍ മലയാളികള്‍ക്ക് പ്രിയപ്പെട്ടതാണ്. അതുകൊണ്ട് വിവിധ തരത്തില്‍ മീന്‍ വിഭവങ്ങള്‍ നമ്മള്‍ വീടുകളില്‍ തയ്യാറാക്കാറുണ്ട്. അത്തരത്തില്‍ എലുപ്പത്തില്‍ മീന്‍ മപ്പാസ് തയ്യാറാക്കുന്നത് എങ്ങിനെയെന്ന് നോക്കാം.
ആവശ്യമായ സാധനങ്ങള്‍
- മീന്‍ – അര കിലോ
- സവാള നീളത്തിലരിഞ്ഞത് -കാല്‍ കപ്പ്
- പച്ചമുളക്- നാലെണ്ണം
- വെളുത്തുള്ളി 12 അല്ലി
- ഇഞ്ചി അരിഞ്ഞത് ഒരു ടീസ്പൂണ്‍
- മഞ്ഞള്‍പ്പൊടി അര ടീസ്പൂണ്‍
- മുളക് പൊടി -ഒരു ടീസ്പൂണ്‍
- മല്ലിപ്പൊടി- ഒരു ഡിസേര്‍ട്ട് സ്പൂണ്‍
- കടുക് -അര ടീസ്പൂണ്‍
- ഉലുവ – രണ്ടു നുള്ള്
- കറിവേപ്പില- ഒരു തണ്ട്
- ഉപ്പ് -പാകത്തിന്
- വെളിച്ചെണ്ണ – രണ്ടു ഡിസേര്‍ട്ട് സ്പൂണ്‍
- കുടമ്പുളി -ആവശ്യത്തിന്
- തേങ്ങാപ്പാല്‍ – അരക്കപ്പ്
തയ്യാറാക്കുന്ന വിധം
മീന്‍ കഴുകി വൃത്തിയാക്കിയതിന് ശേഷം കഷ്ണങ്ങളാക്കി മുറിക്കുക. ഇനി ഒരു ചട്ടിയില്‍ എണ്ണ ചൂടാക്കണം. അതോടൊപ്പം മുളകുപൊടി, മഞ്ഞള്‍പ്പൊടി, മല്ലിപ്പൊടി എന്നിവ അല്പം വെള്ളത്തില്‍ കുതിര്‍ത്തു വയ്ക്കുക. ചട്ടിയിലെ എണ്ണ ചൂടായതിനു ശേഷം കടുക്, ഉലുവ, കറിവേപ്പില എന്നിവ ചേര്‍ത്ത് മൂപ്പിക്കുക. ഇതില്‍ അരിഞ്ഞുവച്ച സവാള, ഇഞ്ചി, പച്ചമുളക്, വെളുത്തുള്ളി, കുതിര്‍ത്ത പൊടികളും ചേര്‍ത്ത് വഴറ്റണം. കുടമ്പുളിയും വെള്ളവും ചേര്‍ത്ത് തിളച്ചു തുടങ്ങുമ്പോള്‍ മീന്‍ കഷണങ്ങളും കറിവേപ്പിലയും ചേര്‍ക്കുക. ഉപ്പ് ചേര്‍ത്ത് കറി നന്നായി വഴറ്റുമ്പോള്‍ തേങ്ങാപ്പാല്‍ ഒഴിച്ച് പാത്രം ചുറ്റിച്ചുവയ്ക്കുക. കുറുകി വരുമ്പോള്‍ വാങ്ങിവെച്ചു ഉപയോഗിക്കാം.
Read more : CARROT VADA|ഇന്ന് ചായയ്ക്ക് ഒരു വെറൈറ്റി വട ആയാലോ
