അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബാക്കിയായ രണ്ടു കഷ്ണം പുട്ട് നല്ലതുപോലെ പൊടിച്ചെടുക്കുക. ഒരു പാനിൽ ഒരു ടീസ്പൂൺ നെയ്യ് ഒഴിച്ചതിനുശേഷം പൊടിച്ച പുട്ട് അതിലേക്ക് ചേർത്ത് നല്ലതുപോലെ ഇളക്കി റോസ്റ്റ് ചെയ്തെടുക്കണം. ഏകദേശം ഒരുമിനിറ്റ് ചെറിയ തീയിലിട്ടാണ് പുട്ട് റോസ്റ്റ് ചെയ്യേണ്ടത്. പാത്രത്തിൽ നിന്നും മാറ്റിയതിനു ശേഷം പഞ്ചസാരപ്പാനി തയാറാക്കിയെടുക്കാം. അതിനായി അര കപ്പ് പഞ്ചസാരയിലേയ്ക്ക് അര കപ്പ് വെള്ളം ഒഴിച്ച് നന്നായി തിളപ്പിച്ചെടുക്കണം. പഞ്ചസാര നന്നായി അലിഞ്ഞു ചേർന്നതിനു ശേഷം രണ്ടോ മൂന്നോ ഏലക്കായയും ഗ്രാമ്പുവും പൊടിച്ചതും ഒരു ടീസ്പൂൺ നെയ്യും കുറച്ചു ഫുഡ് കളറും ചേർത്ത് നന്നായി ഇളക്കി യോജിപ്പിച്ചു തിളപ്പിക്കാം. ശേഷം നേരത്തെ തയാറാക്കിവെച്ചിരിക്കുന്ന പുട്ട് കൂടി ചേർക്കണം. നന്നായി ഇളക്കി, പാനിൽ നിന്നും വിട്ടു വരുന്ന പരുവമാകുമ്പോൾ അടുപ്പിൽ നിന്നും മാറ്റി, കുറച്ചു ബദാമും ഉണക്ക മുന്തിരിയും അണ്ടിപരിപ്പും ചേർക്കാം. ചൂടാറിയതിനു ശേഷം കുറേശ്ശേ എടുത്ത് ലഡുവിന്റെ രൂപത്തിൽ ഉരുട്ടിയെടുക്കണം. സ്വാദിഷ്ടമായ ലഡു തയാറായി കഴിഞ്ഞു.
Read also: കുട്ടികൾക്ക് സ്കൂളിൽ കൊടുത്തുവിടാനായി ഇൗസിയായി ഒരു വിഭവം തയാറാക്കാം
