അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: കുടിവെള്ളം എടുക്കുന്നതിനെ ചൊല്ലിയുള്ള തർക്കത്തിനിടെ രണ്ടുപേർക്ക് വെട്ടേറ്റു. കുറ്റിപ്പുറം ഊരോത്ത് പള്ളിയാലിൽ വാടക ക്വാർട്ടേഴ്സിൽ താമസിക്കുന്ന സഹോദരങ്ങൾക്കാണ് വെട്ടേറ്റത്.
ശനിയാഴ്ച രാവിലെയാണ് സംഭവം. പരിക്കേറ്റ അറുമുഖൻ (29), മണി (35) എന്നിവരെ സ്വകാര്യ ആശുപത്രികളിൽ പ്രവേശിപ്പിച്ചു.
മണിക്ക് കൊടുവാൾ കൊണ്ടുള്ള വെട്ടേറ്റ് നെഞ്ചിൽ പരിക്കേറ്റു. അറുമുഖന്റെ ഇടത് തോളിലാണ് വാള് കൊണ്ട് വെട്ടിയത്. ഇരുവരും സ്വകാര്യ ആശുപത്രിയിൽ ചികിത്സയിലാണ്.
പൈപ്പിൽനിന്ന് വെള്ളം എടുക്കുന്നതുമായി ബന്ധപ്പെട്ട് സ്ത്രീകൾ തമ്മിലാണ് ഇന്ന് രാവിലെ തര്‍ക്കം തുടങ്ങിയത്. ഇത് പിന്നീട് പുരുഷന്മാര്‍ തമ്മിലുള്ള കൈയേറ്റത്തിലേക്ക് മാറുകയായിരുന്നു. പ്രദേശവാസികളായ മൂന്നുപേരാണ് ആക്രമിച്ചതെന്നാണ് അറുമുഖനും മണിയും പറയുന്നത്.
