അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.‘ജയ് ഗണേഷ്’ ചിത്രത്തിന്റെ പ്രമോഷൻ പരിപാടികളുടെ തിരക്കിലാണ് ഉണ്ണി മുകുന്ദൻ. ചിത്രം ഏപ്രില്‍ 11നാണ് തിയേറ്ററുകളില്‍ എത്തുന്നത്.
ഇപ്പോഴിതാ ഒരു യൂട്യൂബ് ചാനലിന് നല്‍കിയ അഭിമുഖത്തിൽ മഹിമ നമ്പ്യാരുടെ ഫോണ്‍ നമ്പർ ഏഴ് വർഷത്തോളം ബ്ലോക്ക് ചെയ്തിരുന്നതായി വെളിപ്പെടുത്തിയിരിക്കുകയാണ് നടൻ ഉണ്ണി മുകുന്ദൻ. ‘ജയ് ഗണേഷ്’ എന്ന ചിത്രത്തില്‍ ഉണ്ണിയുടെ നായികയായി അഭിനയിച്ചത് മഹിമയാണ്.
‘മാസ്റ്റർപീസ്’ ചിത്രത്തിന് ശേഷമാണ് ബ്ലോക്ക് ചെയ്തതെന്നും അത് ഒരു വലിയ കഥയാണെന്നും ഉണ്ണി പറയുന്നു. ശരിക്കും ബ്ലോക്ക് മാറ്റാൻ മറന്നുപോയതാണെന്നും താരം വെളിപ്പെടുത്തുന്നുണ്ട്. ‘ജയ് ഗണേഷ്’ ന്റെ ഷൂട്ടിംഗ് സമയത്താണ് നമ്പർ ബ്ലോക്ക് ചെയ്ത കാര്യം തിരിച്ചറിഞ്ഞതെന്നും ഉണ്ണി വ്യക്തമാക്കി.
‘എന്റെ പേര് പലരുമായിട്ടും കണക്‌ട് ചെയ്ത് വരാറുണ്ട്. അവരെല്ലാം കല്യാണം കഴിച്ച്‌ പോയി കൊണ്ടിരിക്കുന്നു. ഇപ്പോള്‍ അനുശ്രീയുടെ പേരിനൊപ്പമാണ് ഗോസിപ്പ് വന്നത്. അതിനർത്ഥം അനുശ്രീയുടെ വിവാഹം ഉടനെ ഉണ്ടാകുമെന്നാണ്,’ തമാശ രൂപേണ ഉണ്ണി പറഞ്ഞു.
മുൻപ് നടി സ്വാസികയെ വച്ച്‌ ഗോസിപ്പുകള്‍ വന്നിരുന്നു. അവരുടെ കല്യാണം കഴിഞ്ഞപ്പോള്‍ അത് നിന്നുവെന്നും ചില സമയത്ത് ഇത്തരം ഗോസിപ്പുകള്‍ കേൾക്കുമ്പോൾ ദേഷ്യം വരുമെന്നും അദ്ദേഹം വ്യക്തമാക്കി. വിവാഹം കഴിക്കുന്നില്ലേയെന്ന അവതാരകയുടെ ചോദ്യത്തിന് ഇങ്ങനെ സ്ത്രീകളെ വച്ച്‌ ഗോസിപ്പ് ഇറങ്ങുന്ന സാഹചര്യത്തില്‍ തനിക്ക് ആര് പെണ്ണ് തരുമെന്നും നടൻ മറുപടിയായി പറയുന്നു.
Read more : തദ്ദേശ പൊതു സർവീസിലെ ജീവനക്കാരുടെ ശമ്പള വിതരണത്തിലെ തടസ്സം ഉടൻ പരിഹരിക്കണം: ചവറ ജയകുമാർ
