അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു പാനിൽ അൽപം വെളിച്ചെണ്ണ ഒഴിച്ച് ഇതിലേക്ക് രണ്ട് ഗ്രാമ്പു, രണ്ട് ഏലക്ക, ഒരു ചെറിയ കഷ്ണം പട്ട എന്നിവ ചേർക്കുക. ശേഷം രണ്ട് സവാള ചെറുതായി അരിഞ്ഞത് ചേർത്ത് വഴറ്റുക. ഇതിലേക്ക് ആവശ്യമെങ്കിൽ രണ്ട് പച്ചമുളക്, ഒരു ചെറിയ കഷ്ണം ഇഞ്ചി എന്നിവ ചെറുതായി നുറുക്കിയത് ചേർത്ത് വഴറ്റാം. ഒരു തണ്ട് കറിവേപ്പിലയും ഈ സമയം ചേർക്കാം. ശേഷം ഇതിലേക്ക് ഇഷ്ടമുള്ള പച്ചക്കറികൾ ചേർത്ത് വഴറ്റുക. ഒരു കപ്പ് വെള്ളം ഒഴിച്ച് പച്ചക്കറികൾ അൽപം സമയം വേവിക്കുക. ഇവ പാതി വെന്തു കഴിയുമ്പോൾ ഇതിലേക്ക് ഇറച്ചി ചേർക്കാം. ഗ്രേവിക്ക് ആവശ്യമുള്ള വെള്ളമുണ്ടെന്നു ഉറപ്പാക്കിയ ശേഷം വീണ്ടും തിളപ്പിക്കുക. ഗ്രേവിക്ക് കൊഴുപ്പ് കൂട്ടണമെന്നുണ്ടെങ്കിൽ കറിയിൽ ചേർത്ത കുറച്ച് ഉരുളക്കിഴങ്ങ് കഷ്ണങ്ങൾ ഉടച്ചിട്ട് ഇളക്കുക. പച്ചക്കറികൾ വെന്തുവെന്ന് ഉറപ്പായാൽ ആവശ്യാനുസരണം തേങ്ങാപ്പാൽ ചേർത്ത് ചെറുതീയിൽ ചൂടാക്കിയ ശേഷം അടുപ്പിൽ നിന്നു മാറ്റുക.
