അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.2022 -23 വർഷത്തെ ഏറ്റവും മികച്ച ചെറുകിട ഉത്പാദന യൂണിറ്റിനുള്ള കേരള സംസ്ഥാന വ്യവസായ വകുപ്പിന്റെ അവാർഡ് കരസ്ഥമാക്കിയ ഷാരോൺ എക്സ്ട്രുഷൻസ് ഉടമ വി .ഇ ഷാജഹാനെ ജമാഅത്തെ ഇസ്‌ലാമി ഹിന്ദ് പാലക്കാട് ജില്ലാ കമ്മിറ്റി ആദരിച്ചു.
പാലക്കാട് ഫൈൻ സെൻ്റർ ഓഡിറ്റോറിയത്തിൽ വച്ച് നടന്ന ചടങ്ങിൽ ജമാഅത്തെ ഇസ്‌ലാമി സംസ്ഥാന സെക്രട്ടറി അബ്ദുൽ ഹക്കീം നദ്‌വി പൊന്നാടയണിയിച്ച് ഉപഹാരം കൈമാറി.ഒരു സംരംഭകൻ എന്നതിനേക്കാൾ ഉപരി ഒരു മനുഷ്യസ്നേഹി കൂടിയായ ഷാജഹാൻ സാഹിബിന്റെ ഈ നേട്ടം വളർന്നുവരുന്ന പുതു സംരംഭകർക്ക് മാതൃകയാണെന്നും അദ്ദേഹം ഉണർത്തി.
ജമാഅത്തെ ഇസ്‌ലാമി പാലക്കാട് ജില്ലാ പ്രസിഡൻറ് കളത്തിൽ ഫാറൂഖ് ജില്ലാ ജനറൽ സെക്രട്ടറി പി മുഹമ്മദ് മുസ്തഫ മാസ്റ്റർ എന്നിവർ സംസാരിച്ചു.
