പലവിധ കാരണങ്ങൾ മൂലം പല്ലിൽ കറ പിടിക്കാം. ചായ, കാപ്പി എന്നിവ അമിതമായി കുടിക്കുന്നതും പുകവലിക്കുന്നതും പല്ലിലെ കറകൾക്ക് കാരണമാകും. പല്ലിന്റെ ആരോഗ്യത്തിന് കോട്ടം വരുത്തുന്നവയാണ് അതിന്റെ നിറവ്യത്യാസം. നമ്മള്‍ കഴിക്കുന്ന ആഹാരങ്ങള്‍ പല്ലിന്റെ ആരോഗ്യത്തില്‍ വരുത്തുന്ന കോട്ടവും പല്ലിന്റെ നിറം മങ്ങുന്നതിന് കാരണമാകാറുണ്ട്.
പല്ലിലെ കറ കളയുവാൻ എന്തെല്ലാം ശ്രദ്ധിക്കാം
ഭക്ഷണം കഴിക്കുമ്പോൾ
പല്ലില് കറപിടിക്കാതിരിക്കാന്‍ ഏറ്റവും ആദ്യം നിങ്ങള്‍ ചെയ്യേണ്ട കാര്യം നിങ്ങളുടെ ആഹാരകാര്യത്തില്‍ കുറച്ച് ശ്രദ്ധ കൊടുക്കുക എന്നതാണ്. പ്രധാനമായും സോഫ്റ്റ് ഡ്രിങ്ക്‌സ് കുടിക്കുന്നത് കുറയ്ക്കുക. അതുപോല, ചായ, കാപ്പി, സോഡ, ജ്യൂസ് എന്നിവയെല്ലാം തന്നെ ഉപയോഗിക്കുന്നത് കുറയ്ക്കുക.
അതുപോലെ, ഇവ കഴിച്ച് കഴിഞ്ഞാല്‍ വായ കഴുകാനും മറക്കരുത്. ഈത്തരം പാനീയങ്ങളില്‍ അടങ്ങിയിരിക്കുന്ന അസിഡ് സ്വഭാവം പല്ലിന്റെ നിറം വേഗത്തില്‍ കെടുത്തുന്നതിന് കാരണമാകുന്നുണ്ട്. ചായ, കാപ്പി എന്നിവ കുടിച്ചതിന് ശേഷം പല്ല് തേച്ചാല്‍ അത്രയും നല്ലതാണ്. ഇത് കറപിടിക്കുന്നത് തടയാന്‍ സഹായിക്കും.
പല്ല് തേക്കാം
രണ്ട് നേരം കൃത്യമായി പല്ല് തേക്കുന്നവരില്‍ പല്ലില് മഞ്ഞപ്പ്, അതുപോലെ, കറപിടിക്കുന്ന പ്രശ്‌നം എന്നിവ കുറവായിരിക്കും. പിന്നെ, പുകവലിക്കുന്ന ശീലം ഉള്ളവരില്‍ കറപിടിക്കുന്നതിന് പല്ല് തേച്ചാല്‍ മാത്രം പോര, അത് കൃത്യമായ രീതിയില്‍ ക്ലീന്‍ ചെയ്ത് എടുക്കേണ്ടത് അനിവാര്യമാണ്.
അതുപോലെ, പല്ല് കൃത്യമായ രീതിയില്‍ ശരിയായ രീതിയില്‍ തേച്ചില്ലെങ്കില്‍ പ്ലാക്ക് അടിഞ്ഞ് കൂടി കറപിടിക്കുന്നതിനും ഇത് കാരണമാകുന്നുണ്ട്. അതിനാല്‍ കൃത്യമായ രീതിയില്‍ പല്ല് തേക്കാന്‍ ശ്രദ്ധിക്കുക.
ഓയില്‍ പുള്ളിംഗ്
പല്ലിലെ മഞ്ഞപ്പ്, പ്ലാക്ക് എന്നിവയെല്ലാം തന്നെ ഇല്ലാതാക്കാന്‍ നിങ്ങള്‍ക്ക് വീട്ടില്‍ തന്നെ ചെയ്യാവുന്ന ഒരു ഫലപ്രദമായ മാര്‍ഗ്ഗമാണ് ഓയില്‍ പുള്ളിംഗ്. ഇതിനായി നിങ്ങള്‍ക്ക് വെളിച്ചെണ്ണ, സണ്‍ഫ്‌ലവര്‍ ഓയില്‍, എള്ളൈണ്ണ എന്നിവ എടുക്കാവുന്നതാണ്.
ഒന്നോ രണ്ടോ ടീസ്പൂണ്‍ ഓയില്‍ എടുക്കുക. ഇത് വായയില്‍ ഒഴിച്ച് ഇറക്കാതെ കുലുക്കുഴിയുന്നത് പോലെ പല്ലിന്റെ എല്ലാഭാഗത്തേക്കും ആക്കണം. ഇത് വായയില്‍ കുറഞ്ഞത് 20 മിനിറ്റ് പിടിച്ച് വെക്കുക. അതിന് ശേഷം തുപ്പിക്കളഞ്ഞ് പല്ല് തേക്കാവുന്നതാണ്.
ഇത് പല്ലിലെ കറകളയാന്‍ മാത്രമല്ല, പല്ലില് കേട് വരാതിരിക്കാനും നല്ല ഹെല്‍ത്തി ആയിട്ടുള്ള പല്ലുകള്‍ നിലനിര്‍ത്താനും ഇത് സഹായിക്കുന്നുണ്ട്.
ബേക്കിംഗ് സോഡ
പല്ലിലെ കറ കളയാന്‍ നമ്മള്‍ക്ക് ബേക്കിംഗ് സോഡ ഉപയോഗിക്കാവുന്നതാണ്. ഇത് പല്ലിന്റെ മുകളിലുള്ള കറ നീക്കം ചെയ്യുന്നതിന് സഹായിക്കുന്നു. ചിലര്‍ക്ക് ബേക്കിംഗ് സോഡ ഉപയോഗിക്കാന്‍ ഭയമായിരിക്കും. കാരണം, ഇത് ഉപയോഗിച്ച് ഇനാമലിന് എന്തെങ്കിലും പറ്റിയാലോ എന്ന ഭയമാണ് പ്രധാ കാരണം. എന്നാല്‍, 2017ല്‍ ദ ജേണല്‍ ഓഫ് അമേരിക്കന്‍ ഡെന്റല്‍ അസോസിയേഷന്‍ പ്രസിദ്ധീകരിച്ച ഒരു പഠനപ്രകാരം പല്ലിലെ കറ നീക്കം ചെയ്യാന്‍ ബേക്കിംഗ് സോഡ ഉപയോഗിക്കുന്നത് നല്ലതാണ് എന്ന് കണ്ടെത്തുകയുണ്ടായി.
പല്ലിലെ കറ കളയുന്നതിനായി ബേക്കിംഗ് സോഡയില്‍ ബ്രഷ് മുക്കി അതുകൊണ്ട് പല്ല് തേക്കണം. ഇത് കറ അകറ്റാന്‍ മാത്രമല്ല, ബാക്ടീരിയ ഇല്ലാതാക്കാനും പ്ലാക്ക് കുറയ്ക്കാനും സഹായിക്കുന്നുണ്ട്.
നാരുകള്‍ അടങ്ങിയ ആഹാരം
നല്ലപോലെ നാരുകള്‍ അടങ്ങിയ ആഹാരം കഴിക്കുന്നത് പല്ലിലെ കറ നീക്കം ചെയ്യാന്‍ സഹായിക്കുന്നുണ്ട്. ഇത് വായയിലെ ആസിഡ് ലെവല്‍ ബാലന്‍സ് ചെയ്ത് നിലനിര്‍ത്തുന്നതിനും അതുപോലെ, പല്ലുകളുടെ ഇനാമല്‍ പ്രൊട്ടക്ട് ചെയ്യുന്നതിനും സഹായിക്കുന്നുണ്ട്.
അതിനാല്‍ തന്നെ ബീല്‍സ്, നല്ല ഇലക്കറികള്‍ എന്നിവ കഴിക്കുന്നത് പല്ലിലെ കറ നീക്കം ചെയ്യാന്‍ സഹായിക്കുന്നു.
ചെറുനാരങ്ങ
നല്ല ചെറുനാരങ്ങയും ഉപ്പും ചേര്‍ത്ത് പല്ലില് ഉരയ്ക്കുന്നത് പല്ലിലെ കറ നീക്കം ചെയ്യുന്നതിന് സഹായിക്കുന്നുണ്ട്. അതുപോലെ, ഓറഞ്ച് എന്നിവയുെട തൊലി ഉപയോഗിച്ച് പല്ല് ഉരച്ച് വൃത്തിയാക്കുന്നകും പല്ലിലെ കറ നീക്കം ചെയ്യുന്നു.
പപ്പായ, പൈനാപ്പിള്‍ പോലെയുള്ള പഴങ്ങള്‍ കഴിക്കുന്നതും പല്ലിലെ കറ നീക്കം ചെയ്യുന്നതിന് സഹായിക്കുന്നവയാണ്. ഇതില്‍ അടങ്ങിയിരിക്കുന്ന ബ്രോമെലെയ്ന്‍, പാപെയ്ന്‍ എന്നിവ, പല്ലിന് നല്ല വെള്ളം നിറം നല്‍കാന്‍ സഹായിക്കുന്നുണ്ട്.