അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിശാഖപട്ടണം: ഐപിൽ ൽ ഇന്ന് ഡൽഹി കൊൽക്കത്തയെ നേരിടും. വിശാഖപട്ടണത്തിൽ നടക്കുന്ന മത്സരത്തിൽ ഇരു ടീമുകളും ആത്മവിശ്വാസത്തോടെയാകും ഇറങ്ങുക. തുടക്കം മോശമായെങ്കിലും രണ്ടാം മത്സരത്തിൽ ശക്തരായ ചെന്നൈയ്‌ക്കെതിരെ നേടിയ വിജയം ഡൽഹിക്ക് കരുത്തുപകരും. മറുവശത്തു കളിച്ച രണ്ടു മത്സരങ്ങളും ജയിച്ച കെകെആർ പോയിന്റ് പട്ടികയിൽ രണ്ടാമതാണ്.
വാർണറും, പ്രിത്വി ഷായും, ഋഷഭ് പന്തും കഴിഞ്ഞ മത്സരങ്ങളിൽ ഫോമിലെത്തിയിരുന്നു. ഖലീൽ, മുകേഷ് കുമാർ, നോർക്കിയ, എന്നിവരടങ്ങിയ ബൗളിംഗ് നിരക്ക് പേരുകേട്ട ചെന്നൈ ബാറ്റിംഗ് നിറയെ തകർക്കാനായിരുന്നു. കൊൽക്കത്തക്കായി മികച്ച ഫോമിലാണ് ഓപ്പണർ ഫിൽ സാൾട്. ഓൾ റൗണ്ടർ റസ്സൽ വിക്കറ്റുകൾ നേടുന്നുണ്ടെന്നതും കെകെആറിനെ കൂടുതൽ ശക്തരാക്കുന്നു. സ്ഥിരതയുള്ള ബൗളിംഗ് പ്രകടനം കാഴ്ചവെക്കുന്ന ഹർഷിത് റാണയിലാണ് ബൗളിംഗ് പ്രതീക്ഷകൾ.
