അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണിനു ചുറ്റുമുള്ള കറുത്തപാട് ഭൂരിഭാഗം പേരുടെയും പ്രശ്‌നമാണ്. കടുത്ത മാനസിക സമ്മര്‍ദ്ദം, ഉറക്കമില്ലായ്മ, അലര്‍ജി, ഉത്കണ്ഠ ഇവയെല്ലാം കണ്ണിനു ചുറ്റും കറുത്തപാട് വരാന്‍ കാരണങ്ങളാണ്. കണ്ണുകള്‍ അമര്‍ത്തി തിരുമ്മുന്നതും ഇതിനൊരു കാരണമാകുന്നുണ്ട്.
കണ്ണിനു ചുറ്റുമുള്ള കറുത്തപാടുകള്‍ മാറാനുള്ള 7 വഴികള്‍ പരിചയപ്പെടാം
ദിവസവും ഐസ് ഉപയോഗിച്ച് മസാജ് ചെയ്യുന്നത് കണ്ണിനു താഴെയുള്ള കറുത്ത നിറം മാറാന്‍ സഹായിക്കും.കണ്ണിനു കുളിർമയേകാനും ഈ മാർഗം നല്ലതാണ്.
നാരങ്ങ നീര്, തക്കാളി നീര്, മഞ്ഞള്‍ എന്നിവ ഒരുമിച്ച് ചേര്‍ത്ത് കണ്ണിനു താഴെ പുരട്ടുന്നത് നല്ലതാണ്. ശേഷം തണുത്ത വെള്ളത്തിൽ കഴുകി കളയുക. ആഴ്ചയിൽ മൂന്ന് തവണ ചെയ്യുന്നതാണ് അഭികാമ്യം.
വെള്ളരിക്ക കണ്ണിനു താഴെ വെയ്ക്കുന്നത് കറുപ്പ് നിറം മാറാന്‍ സഹായിക്കും. മാനസിക സമ്മർദ്ദം കുറയ്ക്കാനും ഇത് നല്ലതാണ്.
ഉറങ്ങുന്നതിനു മുമ്പ് കണ്ണിനു താഴെ ആല്‍മണ്ട് ഓയില്‍ തേയ്ക്കുക.ഇത് കറുത്തപാടുകൾ എളുപ്പം മാറാൻ സഹായിക്കും. ശേഷം രാവിലെ ശുദ്ധജലത്തിൽ കഴുകി കളയുക.
പുതിനയില നീര് 15 മിനുട്ട് കണ്ണിനു താഴെ പുരട്ടുന്നത് കറുത്തപാടുകള്‍ മാറുന്നതിന് ഉപകാരപ്രദമാണ്.ചർമ്മ സംരക്ഷണത്തിനും പുതിനയില ഉപയോഗിക്കാവുന്നതാണ്.
കണ്ണിന് ചുറ്റുമുള്ള നിറക്കുറവ് മാറ്റാൻ കോഫി കൊണ്ടുള്ള പാക്കിന് സാധിക്കും. ഇതിനു വേണ്ടി രണ്ട് ടീസ്പൂൺ കാപ്പിപൊടിയിലേക്ക് ഒരു ടീസ്പൂൺ വെളിച്ചെണ്ണ ചേര്‍ത്ത് മിശ്രിതമാക്കി കണ്ണിന് ചുറ്റും പുരട്ടാം. ഇത് 20 മിനിറ്റിന് ശേഷം കഴുകി കളയാം. ഇതും കണ്ണിന് ചുറ്റുമുള്ള കറുപ്പ് മാറ്റാൻ സഹായിക്കും
ഓറഞ്ച് തൊലി പൊടിച്ചത്. ഓറഞ്ച് തൊലി പൊടിച്ചത് ഒരു ടീസ്പൂണും രണ്ട് ടീസ്പൂൺ തൈരും ചേർത്ത് നന്നായി യോജിപ്പിച്ച മിശ്രിതം കണ്ണിന് താഴെ പുരട്ടാം. 10 മിനിറ്റിന് ശേഷം കഴുകി കളയാം. ഇതും കൺതടങ്ങളിലെ കറുപ്പ് മാറാൻ ഉപകരിക്കും. ബദാം പരിപ്പ് പാലില്‍ അരച്ചെടുത്ത് കണ്‍തടങ്ങളില്‍ പുരട്ടുന്നത് പതിവായി ചെയ്യുന്നത് വ്യത്യാസം അറിയാന്‍ സഹായിക്കും. കണ്‍തടത്തിലെ കറുപ്പ് മാറ്റാൻ കറ്റാര്‍വാഴയുടെ ജെല്ല് പുരട്ടുന്നതും നല്ലതാണ്.
