അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: കെപിസിസി പ്രസിഡന്റ് കെ സുധാകരനെതിരായ കോടതിയലക്ഷ്യ കേസില്‍ ഹൈക്കോടതിയില്‍ നേരിട്ട് ഹാജരാകണമെന്ന് നിര്‍ദേശം. കേസില്‍ ഹാജരാകുന്നതില്‍ സ്ഥിരമായ ഇളവ് വേണമെന്ന് അദ്ദേഹം ആവശ്യപ്പെട്ടിരുന്നു. എന്നാല്‍ ഈ ആവശ്യം ഹൈക്കോടതി തള്ളുകയായിരുന്നു. ഷുഹൈബ് വധക്കേസുമായി ബന്ധപ്പെട്ട് ഹൈക്കോടതിക്കെതിരായ പരാമര്‍ശമാണ് കേസിനാധാരം.
ഹൈകോടതി വിധിയെ തുടര്‍ന്ന് ഷുഹൈബ് വധക്കേസില്‍ നീതി നിഷേധിക്കപ്പെട്ടുവെന്ന് കെ സുധാകരന്‍ പ്രതികരിച്ചിരുന്നു. സിബിഐ അന്വേഷണം വരാതിരിക്കാന്‍ കേസില്‍ സംസ്ഥാന സര്‍ക്കാര്‍ ഗൂഢാലോചന നടത്തിയെന്നും സുപ്രീംകോടതിയെ സമീപിക്കുമെന്നും പ്രതികരിച്ചിരുന്നു.
ഷുഹൈബിനെ കൊലപ്പെടുത്തിയ കേസില്‍ സിബിഐ അന്വേഷണം വേണ്ടെന്ന് ഹൈക്കോടതി ഉത്തരവിട്ടതിന് പിന്നാലെയായിരുന്നു അന്ന് എംപിയുടെ പ്രതികരണം.
