കരുവന്നൂർ ബാങ്ക് തട്ടിപ്പ്: പി ​കെ ​ബി​ജു​വി​നെ എ​ട്ടു മ​ണി​ക്കൂ​ർ ചോ​ദ്യം ചെ​യ്തു; തി​ങ്ക​ളാ​ഴ്ച വീ​ണ്ടും ഹാ​ജ​രാ​ക​ണം

തൃ​ശൂ​ര്‍: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ മു​ൻ എം​പി പി.​കെ.​ബി​ജു​വി​നെ എ​ട്ടു​മ​ണി​ക്കൂ​റി​ലേ​റെ ഇ​ഡി ചോ​ദ്യം ചെ​യ്തു. ഇ​ന്ന​ത്തെ ചോ​ദ്യം ചെ​യ്യ​ൽ പൂ​ർ​ത്തി​യാ​ക്കി വി​ട്ട‌​യ​ച്ച ബി​ജു​വി​നോ​ട് തി​ങ്ക​ളാ​ഴ്ച വീ​ണ്ടും ഹാ​ജ​രാ​കാ​ൻ ആ​വ​ശ്യ​പ്പെ​ട്ട് നോ​ട്ടീ​സ് ന​ൽ​കി. ബാങ്കിൽ നടന്ന ക്രമക്കേടിലും ഇഡി ആരോപിക്കുന്ന സിപിഎം രഹസ്യ അക്കൗണ്ടുമായി ബന്ധപ്പെട്ടുമായിരുന്നു ഇഡിയുടെ ചോദ്യം ചെയ്യൽ.

ക​രു​വ​ന്നൂ​ർ ബാ​ങ്കി​ൽ സി​പി​എ​മ്മി​ന് അ​ഞ്ച് ര​ഹ​സ്യ അ​ക്കൗ​ണ്ട് ഉ​ണ്ടെ​ന്നും ഇ​തി​ലൂ​ടെ കോ​ടി​ക്ക​ണ​ക്കി​ന് രൂ​പ​യു​ടെ ഇ‌‌​ട​പാ​ടു​ക​ൾ ന​ട​ത്തി​യി​ട്ടു​ണ്ടെ​ന്നും ഇ​ഡി ക​ണ്ടെ​ത്തി​യി​രു​ന്നു. സി​പി​എം തൃ​ശൂ​ർ ജി​ല്ലാ സെ​ക്ര​ട്ട​റി എം.​എം.​വ​ർ​ഗീ​സ്, കൗ​ൺ​സി​ല​ർ പി.​കെ.​ഷാ​ജ​ൻ എ​ന്നി​വ​ർ നാ​ളെ ഇ​ഡി​ക്കു മു​ന്പി​ൽ ഹാ​ജ​രാ​ക​ണം. രാവിലെ 10 മണിയോടെ ഹാജരാകാനാണ് ഇരുവർക്കും നിർദ്ദേശം നൽകിയത്. നേരത്തെ 26 വരെ ചോദ്യം ചെയ്യലിൽ നിന്ന് ഒഴിവാക്കണമെന്ന് വർഗീസ് ആവശ്യപ്പെട്ടിരുന്നെങ്കിലും ഇഡി നിലപാട് കടുപ്പിക്കുകയായിരുന്നു.

ബാ​ങ്കി​ൽ ന​ട​ന്ന ക്ര​മ​ക്കേ​ടി​ലും ഇ​ഡി ആ​രോ​പി​ക്കു​ന്ന സി​പി​എം ര​ഹ​സ്യ അ​ക്കൗ​ണ്ടു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളാ​ണ് നേ​താ​ക്ക​ളി​ൽ നി​ന്ന് ചോ​ദി​ച്ച​റി​യു​ന്ന​ത്. ക​രു​വ​ന്നൂ​ർ ക്ര​മ​ക്കേ​ടി​ൽ സി​പി​എം നി​യോ​ഗി​ച്ച അ​ന്വേ​ഷ​ണ ക​മ്മീ​ഷ​നി​ൽ അം​ഗ​മാ​യ​രു​ന്നു ഹാ​ജ​രാ​കാ​ൻ നി​ർ​ദ്ദേ​ശം ല​ഭി​ച്ചി​ട്ടു​ള്ള കൗ​ൺ​സി​ല​ർ പി.​കെ.​ഷാ​ജ​ൻ.