അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: എൻഡിഐ സ്ഥാനാർഥി രാജീവ് ചന്ദ്രശേഖറിനെതിരെ പരാതിയുമായി മഹിളാ കോണ്ഗ്രസ് നേതാവും അഭിഭാഷകയുമായ അവനി ബന്സാല നാമനിർദ്ദേശപത്രികയിൽ തെറ്റായ വിവരങ്ങളാണ് നൽകിയതെന്ന് ചൂണ്ടിക്കാണിച്ചാണ് പരാതി നൽകിയത്. 28 കോടി രൂപയുടെ ആസ്തി മാത്രമാണ് അദ്ദേഹം വെളിപ്പെടുത്തിയിരിക്കുന്നത്.
എന്നാല് ജുപിറ്റര് ക്യാപിറ്റല് അടക്കമുള്ള തന്റെ പ്രധാന കമ്പനികളുടെ വിവരങ്ങള് രാജീവ് ചന്ദ്രേശഖര് വെളിപ്പെടുത്തിയിട്ടില്ലെന്നാണ് അവനി ബന്സാലും കോണ്ഗ്രസും ആരോപിക്കുന്നത്. 2021-2022 വര്ഷത്തില് ആദായനികുതി പരിധിയില് വന്ന വരുമാനം 680 രൂപ മാത്രമാണെന്നാണ് സത്യവാങ്മൂലത്തില് പറഞ്ഞിരിക്കുന്നത്.
1/ I have filed a complaint against @Rajeev_GoI for filing false affidavit on 4th April, 2024 as the @BJP4India’s candidate for the upcoming Lok Sabha Elections from #Thiruvananthapuram #Kerala, against @ShashiTharoor of @INCIndia, with the @ECISVEEP.
As per his Affidavit –
1.… pic.twitter.com/hyejfgMGMk
— Avani Bansal (@bansalavani) April 5, 2024
ബെംഗളൂരുവിലെ വസതിയുടെ ഉടമസ്ഥതയും രാജീവ് ചന്ദ്രേശഖര് വെളിപ്പെടുത്തിട്ടില്ലെന്ന് അവകാശപ്പെട്ട അവാനി ബന്സാല് വസ്തു നികുതി അദ്ദേഹം അടച്ചതിന്റെ രസീതും പുറത്ത് വിട്ടു. സത്യവാങ്മൂലത്തിലെ തെറ്റായ വിവരങ്ങള് സംബന്ധിച്ച് വരാണിധികാരിയായ തിരുവനന്തപുരം ജില്ലാ കളക്ടര്ക്ക് പരാതി നല്കിയിട്ടുണ്ടെന്നും അവാനി ബന്സാല് അറിയിച്ചു. സത്യവാങ്മൂലത്തില് തെറ്റായ വിവരങ്ങള് നല്കിയ രാജീവ് ചന്ദ്രശേഖറിന്റെ പത്രിക തള്ളണമെന്നാവശ്യപ്പെട്ട് യുഡിഎഫ് രംഗത്തെത്തിയിട്ടുണ്ട്.
ഇതിനിടെ തിരുവനന്തപുരത്ത് പത്രികകളുടെ സൂക്ഷമ പരിശോധന നടത്തിയതിന് ശേഷം ഒമ്പത് പേരുടെ പത്രിക തള്ളിയിട്ടുണ്ട്. സിഎസ്ഐ മുന് ബിഷപ്പ് ധര്മരാജ് റസാലത്തിന്റെ ഭാര്യയുടെ പത്രികയടക്കമാണ് തള്ളിയിരിക്കുന്നത്. രാജീവ് ചന്ദ്രശേഖറടക്കമുള്ള പ്രധാന മുന്നണി സ്ഥാനാര്ഥികളുടെ പത്രിക സ്വീകരിക്കുകയും ചെയ്തിട്ടുണ്ട്.
