അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികളുടെ വളര്‍ച്ചയുടെ ഘട്ടങ്ങള്‍ ഏറെ പ്രധാനപ്പെട്ടതാണ്. ഇതിനാല്‍ തന്നെ ഇവരുടെ ഭക്ഷണ കാര്യത്തിലും ശ്രദ്ധയേറെ വേണം. നാം മുതിര്‍ന്നവര്‍ കഴിയ്ക്കുന്ന ഭക്ഷണങ്ങളാകില്ല, ചിലപ്പോള്‍ കുട്ടികള്‍ക്കു വേണ്ടത്. കഴിയ്‌ക്കേണ്ട രീതിയിലും വ്യത്യാസങ്ങളുണ്ടാകാം.
കുട്ടികള്‍ വളര്‍ച്ച കഴിഞ്ഞവരല്ല, വളര്‍ന്നു കൊണ്ടിരിയ്ക്കുന്നവരാണ്. ഇതിനാല്‍ തന്നെ ചില പ്രത്യേക ഭക്ഷണങ്ങള്‍ അത്യാവശ്യമെന്നതു മാത്രമല്ല, ഇത് പ്രത്യേക രീതികളില്‍ കഴിയ്ക്കുകയും ചെയ്യുകെന്നതും അത്യാവശ്യം തന്നെയാണ്. കുട്ടികളുടെ കളിയ്ക്കുന്ന സ്വഭാവം, പഠനം, ഉറക്കം എന്നിങ്ങനെ പല കാര്യങ്ങള്‍ അടിസ്ഥാനപ്പെടുത്തിയാണ് ചില പ്രത്യേക ഭക്ഷണങ്ങള്‍ നല്‍കേണ്ടതും.
കുട്ടികൾക്ക് നൽകേണ്ട ഭക്ഷണങ്ങൾ ഏതെല്ലാം?
മീന്‍
ആരോഗ്യപരമായ ഗുണങ്ങള്‍ മികച്ചു നില്‍ക്കുന്ന ഒന്നാണ് മീന്‍. കുട്ടികള്‍ക്ക് ആവശ്യമായ കാല്‍സ്യം പോലുള്ളവ ധാരാളമുള്ളവ. പ്രത്യേകിച്ചും ചെറുമീനുകളിലാണ് ഇവ കൂടുതലുള്ളത്. ഇതിനാല്‍ തന്നെ കൊഴുവ, മത്തി പോലുള്ള മീനുകള്‍ കുട്ടികള്‍ക്കു നല്‍കുന്നത് ഏറെ നല്ലതാണ്. മീന്‍ കഴിയ്ക്കാത്ത കുട്ടികള്‍ക്ക് മീനെണ്ണ ഗുളികകള്‍, അതായത് സീകോഡ് വാങ്ങി നല്‍കാം.
കടല്‍ മത്സ്യങ്ങളില്‍ ധാരാളം ഒമേഗ 3 ഫാറ്റി ആസിഡുകള്‍ അടങ്ങിയിട്ടുണ്ട്. കുട്ടികളുടെ തലച്ചോറിന്റെ വളര്‍ച്ചയ്ക്ക് ഇവ ഏറെ പ്രധാനമാണ്. ഇത് ബ്രെയിനിലെ ആര്‍എന്‍എ ഡിഎന്‍എ പരിവര്‍ത്തന പ്രക്രിയയെ സഹായിക്കുന്ന ഒന്നു കൂടിയാണ്.
മത്തി അഥവാ ചാളയിലാണ് കൂടുതല്‍ ഒമേഗ ത്രീ അടങ്ങിയിട്ടുള്ളത്. എന്നാല്‍ ഇവ തയ്യാറാക്കുന്നതും ഏറെ പ്രധാനം. ഇവ വറുത്തോ പൊരിച്ചോ കുട്ടികള്‍ക്കു നല്‍കിയാല്‍ ഒമേഗ ത്രീ നഷ്ടപ്പെടും. ഇതു കറി വച്ചു നല്‍കുന്നതാണ് ഇതിന്റെ പൂര്‍ണമായ ഗുണം കുട്ടികള്‍ക്കു ലഭിയ്ക്കുവാന്‍ ഏറെ നല്ലതും. അതായത് മത്തി കറി വച്ചു കുട്ടികള്‍ക്കു നല്‍കിയാല്‍ ബുദ്ധി ശക്തി കൂടും
തൈര്
തൈരും കാല്‍സ്യം, പ്രോട്ടീന്‍ സമ്പുഷ്ടമാണ്. പാലിനേക്കാള്‍ കൂടുതല്‍ ഗുണം തൈരിനാണെന്നു പറയാം. തൈരോ, മോരോ ഉച്ചഭക്ഷണത്തിനു ശേഷം അരക്കപ്പെങ്കിലും കുട്ടികള്‍ക്കു നല്‍കുക. പ്രത്യേകിച്ചും സ്‌കൂളില്‍ പോകുമ്പോള്‍. കാരണം ഉച്ചയൂണു കഴിഞ്ഞ് ഉറക്കം വരാനുള്ള തോന്നല്‍ അകറ്റി ഉണര്‍വോടെയിരിയ്ക്കാനും ബ്രെയിന്‍ പ്രവര്‍ത്തനത്തിനും ഇതു സഹായിക്കും.
പാൽ
പാലില്‍ പെട്ടെന്ന് ഉറക്കം വരുത്തുന്ന ഒരു എന്‍സൈമുണ്ട്. കിടക്കാന്‍ നേരം ഒരു ഗ്ലാസ് പാല്‍ കുടിച്ചാല്‍ പെട്ടെന്ന് ഉറക്കം വരുന്നതിന്റെ, മുലപ്പാല്‍ കുടിച്ചാലുടന്‍ കുഞ്ഞുങ്ങള്‍ ഉറങ്ങുന്നതിന്റെ അടിസ്ഥാനം ഇതാണ്. കുട്ടികളും കുഞ്ഞുങ്ങളും കൂടുതല്‍ നേരം ഉറങ്ങണം. കാരണം ഈ സമയത്താണ് ശരീര കോശങ്ങള്‍ വിഭജയ്ക്കുന്നതും കുഞ്ഞുങ്ങള്‍ ഉറങ്ങുന്നതും. ഇതിനാല്‍ തന്നെ ഉറക്കവും പാലും തമ്മില്‍ അഭേദ്യമായ ബന്ധമുണ്ട്.
പാലും വെള്ളം
കുട്ടികള്‍ക്ക് പാല്‍ നല്‍കുന്നതിനേക്കാള്‍ പാലും വെള്ളമായി നല്‍കുന്നതാണ് കൂടുതല്‍ നല്ലത്. അളവു കുറയ്ക്കാനല്ല, പറയുന്നത്. ഒരു ഗ്ലാസ് പാലിനു പകരം ഒരു ഗ്ലാസ് പാലില്‍ ഒരു ഗ്ലാസ് വെള്ളവും കൂട്ടിക്കലര്‍ത്തി അര മണിക്കൂര്‍ ഇടവേളയില്‍ കൊടുക്കാം. കൂടുതല്‍ ഊര്‍ജമുണ്ടാകുമെന്നു മാത്രമല്ല, ഇതിലൂടെ കൂടുതല്‍ ജലാംശവും ഉള്ളിലെത്തും. പ്രത്യേകിച്ചും സ്‌കൂളില്‍ പോകുമ്പോള്‍ ഉറക്കം എന്ന ഘടകം കുറയ്ക്കാനും ഊര്‍ജം കൂടുതല്‍ ലഭിയ്ക്കാനും ഇതു വഴിയൊരുക്കും.
