അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റായ്പൂർ: തെലങ്കാനയുമായി അതിർത്തി പങ്കിടുന്ന ഛത്തിസ്ഗഢിലെ ബീജാപൂർ ജില്ലയിലെ വനമേഖലയിൽ സുരക്ഷാ സേനയുമായുള്ള ഏറ്റുമുട്ടലിൽ മൂന്ന് നക്സലുകൾ കൂടി കൊല്ലപ്പെട്ടതായി റിപ്പോർട്ട്.
തെലങ്കാനയിലെ നക്സൽ വിരുദ്ധ സേനയായ ഗ്രേഹൗണ്ട്‌സ്, രഹസ്യ നീക്കത്തിലൂടെയാണ് പൂജാരി കങ്കർ വനത്തിൽ ഏറ്റുമുട്ടലിനൊടുവിൽ നക്സലുകളെ കൊലപ്പെടുത്തിയത്. ഗ്രേഹൗണ്ട്‌സിനെ സഹായിക്കാൻ ഛത്തീസ്ഗഢ് പൊലീസിന്റെ സംഘവും വനത്തിനുള്ളിൽ ഉണ്ടായിരുന്നു.
Read more : ഐ.എസ്.എല്ലിൽ കേരള ബ്ലാസ്റ്റേഴ്സ് ഇന്ന് നോർത്ത് ഈസ്റ്റിനെതിരെ
ഏറ്റുമുട്ടലിൽ മൂന്ന് നക്സലുകൾ കൊല്ലപ്പെട്ടതായും സംഭവസ്ഥലത്തുനിന്ന് ആയുധങ്ങൾ കണ്ടെടുത്തതായും പൊലീസ് പറഞ്ഞു. പ്രദേശത്ത് തെരച്ചിൽ തുടരുകയാണ്. ഈ ആഴ്ച ഛത്തീസ്ഗഡിലെ ബീജാപൂർ ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ മൂന്ന് സ്ത്രീകൾ അടക്കം 13 നക്സലുകളാണ് കൊല്ലപ്പെട്ടത്.
