അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജയ്പൂ‍‍ർ: ഐപിഎല്ലില്‍ ഇന്ന് നടക്കുന്ന മത്സരത്തില്‍ ടോസ് നേടിയ രാജസ്ഥാന്‍ റോയല്‍സ് ക്യാപ്റ്റന്‍ സഞ്ജു സാംസണ്‍ ഫീല്‍ഡിംഗ് തെരഞ്ഞെടുത്തു. രാജസ്ഥാന്‍ റോയല്‍സ് സമാന ടീമുമായി ഇറങ്ങുമ്പോള്‍ ആർസിബി പ്ലേയിംഗ് ഇലവനില്‍ ഒരു മാറ്റം വരുത്തിയിട്ടുണ്ട്.
രാജസ്ഥാനിലെ സ്ത്രീശാക്തീകരണത്തിന് കൈത്താങ്ങായി ‘പിങ്ക് പ്രോമിസ്’ പരിപാടിയുടെ ഭാഗമായി പ്രത്യേക പിങ്ക് ജേഴ്സി ധരിച്ചാണ് സഞ്ജു സാംസണും കൂട്ടരും കളത്തിലെത്തുന്നത്.
വനിതാ ശാക്തീകരണം ലക്ഷ്യമിട്ട്, രാജസ്ഥാനിലെ വീടുകളിൽ സോളാർ വൈദ്യുതി എത്തിക്കാനുള്ള ഉദ്യമത്തിൽ പങ്കാളിയാവുകയാണ് ടീമിന്റെ സാമൂഹ്യ സേവന വിഭാഗമായ റോയൽ രാജസ്ഥാൻ ഫൗണ്ടേഷൻ (ആർആർഎഫ്). ഇന്നത്തെ മത്സരത്തിൽ ഇരു ടീമുകളിലെയും താരങ്ങൾ അടിക്കുന്ന ഓരോ സിക്സും ആറു വീടുകൾക്ക് സോളാർ എനർജി നൽകും. ‘പിങ്ക് പ്രോമിസ് മാച്ച്’ എന്നാണ് ഇന്നത്തെ മത്സരം അറിയപ്പെടുക. പൂർണമായും പിങ്ക് ഔട്ട്ഫിറ്റിലാകും റോയൽസ് ടീം മത്സരത്തിനിറങ്ങുക. 2019ലാണ് ആർആർഎഫ് സ്ഥാപിച്ചത്.
