അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെറുപയറും ശർ‌ക്കരയും ചേർ‌ത്തുണ്ടാക്കുന്ന ഒരു പലഹാരമാണ് സുഖിയൻ. ചിലയിടങ്ങളിൽ പയറുസഞ്ചി എന്നും ഇതറിയപ്പെടുന്നു. സാധാരണ മലയാളിയുടെ ഇഷ്ട വിഭവങ്ങളിൽ ഒന്നാണിത്. ദക്ഷിണേന്ത്യൻ പാചകരീതിയിലെ ഒരു ജനപ്രിയ ഭക്ഷണ പദാർത്ഥമായ ഇത് സാധാരണയായി പ്രഭാതഭക്ഷണമോ ലഘുഭക്ഷണമോ ആയി കഴിക്കുന്നു.
തയ്യറാക്കാനെടുക്കുന്ന സമയം: 20 മിനുട്ട്
ആവശ്യമായ ചേരുവകൾ
- ചെറുപയര്‍ – 1 കപ്പ്‌
- കടലമാവ് – 1 കപ്പ്‌
- തേങ്ങ – 1/2 കപ്പ്‌
- ശര്‍ക്കര – മധുരത്തിന് അനുസരിച്ച്
- ജീരകം – 1/2 സ്പൂണ്‍
- ഏലക്ക – 2,3
- എണ്ണ – വറുത്തെടുക്കാന്‍ ആവശ്യത്തിന്
തയ്യറാക്കുന്ന വിധം
കുഴഞ്ഞുപോകാതെ പയര്‍ നല്ലവണ്ണം വേവിച്ചു മാറ്റുക ഒരു ചീനച്ചട്ടി അടുപ്പത്തുെവച്ച് അതിലേക്കു ശര്‍ക്കരപാവ് കാച്ചുക. ഈ ശര്‍ക്കരപാനി കുറുകി വരുമ്പോള്‍ തേങ്ങയും ഏലയ്ക്കയും ജീരകവും ചേര്‍ത്ത് വെള്ളം ഒട്ടുമില്ലാതെ വാങ്ങുക ഇതിലേക്ക് വെള്ളമയമില്ലാത്ത പയര്‍ ചേര്‍ത്തിളക്കി ചെറിയ ഉരുളകളായി മാറ്റിവെക്കുക. കടലമാവ് നല്ല അയവില്‍ കലക്കുക.
അധികം വെള്ളം ആകരുത് ഈ ഉരുളകള്‍ ഓരോന്നും മാവില്‍ മുക്കി ചൂടായിക്കിടക്കുന്ന എണ്ണയില്‍ വറുത്തെടുക്കുക. സുഖിയന്‍ റെഡി. നല്ല മഞ്ഞക്കളര്‍ വേണമെങ്കില്‍ അൽപം മഞ്ഞൾപൊടി ചേർക്കുക.
