അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിക്കാനുള്ള രുചി കൊണ്ട് മാത്രമല്ല, നിരവധി ആരോഗ്യ ഗുണങ്ങൾ കൊണ്ടും കൂൺ സമ്പന്നമാണ്. പ്രോട്ടീൻ, അമിനോആസിഡുകൾ തുടങ്ങിയ പോഷകങ്ങളുടെ കലവറയാണ് കൂൺ. രക്തസമ്മർദ്ദം നിയന്ത്രിക്കാനും ശരീരഭാരം നിയന്ത്രിക്കുന്നതിലും രോഗപ്രതിരോധ ശേഷി മെച്ചപ്പെടുത്തുന്നതിനുമെല്ലാം കൂൺ ഗുണകരമാണ്.
ആവശ്യമായ ചേരുവകൾ
- കൂണ്‍ -അര കിലോഗ്രാം
- സണ്‍ഫ്ളവര്‍ ഓയില്‍ -20 മില്ലിലിറ്റര്‍
- വെളിച്ചെണ്ണ -20 മില്ലിലിറ്റര്‍
- ചെറിയ ഉള്ളി -150 ഗ്രാം (തൊലി കളഞ്ഞത്)
- ചെറിയ ഉള്ളി -150 ഗ്രാം വട്ടത്തില്‍ അരിഞ്ഞത്
- മല്ലിപ്പൊടി -രണ്ട് ടീസ്പൂണ്‍
- മഞ്ഞള്‍പ്പൊടി -ഒരു ടീസ്പൂണ്‍
- മുളകുപൊടി -രണ്ട് ടീസ്പൂണ്‍
- കറിവേപ്പില -രണ്ടു തണ്ട്
തയാറാക്കുന്നവിധം
സണ്‍ഫ്ലവര്‍ ഓയിലും വെളിച്ചെണ്ണയും ചേര്‍ത്ത് ചൂടായ ചീനച്ചട്ടിയിലിട്ട് തൊലികളഞ്ഞ ചെറിയ ഉള്ളി നന്നായി വഴറ്റുക. ആവശ്യത്തിന് ചെറുചൂടുവെള്ളം ചേര്‍ത്ത് ഇത് മിക്സിയില്‍ അരച്ചെടുക്കുക. ഈ അരപ്പില്‍ ഉപ്പുചേര്‍ത്ത് കൂണിട്ട് ഇളക്കിവെക്കുക. ചൂടാക്കിയ ചീനച്ചട്ടിയില്‍ കടുക് പൊട്ടിച്ചശേഷം അരിഞ്ഞുവെച്ച ഉള്ളി ചേര്‍ത്ത് വഴറ്റുക. ഇതിലേക്ക് തയാറാക്കിവെച്ച കൂണ്‍മിശ്രിതം ചേര്‍ക്കുക. ചൂടുവെള്ളംചേര്‍ത്ത് വേവിക്കുക. ഈ വിഭവം കുറുക്കിയും ആവശ്യത്തിന് വെള്ളം ചേര്‍ത്ത് ഗ്രേവിയായും ഉപയോഗിക്കാം.
