കാഞ്ഞിരമറ്റം: കാറും സ്കൂട്ടറും കൂട്ടിയിടിച്ചുണ്ടായ അപകടത്തിൽ രണ്ട് യുവാക്കൾക്ക് ദാരുണാന്ത്യം. ആമ്പല്ലൂർ നരിപ്പാറയിൽ മജീദിന്റെ മകൻ ഇൻസാം (24), അരയൻകാവ് തോട്ടറ പോളക്കുളത്ത് മാർട്ടിന്റെ മകൻ ജോയൽ (25) എന്നിവരാണ് മരിച്ചത്.
എറണാകുളം -കോട്ടയം റോഡിൽ കാഞ്ഞിരമറ്റത്തിനും ചാലയ്ക്കപ്പാറയ്ക്കും ഇടയിലുള്ള വിൻഗോസ് വളവിൽ ഞായറാഴ്ച രാത്രി പത്തരയോടെയാണ് അപകടം. പെയിന്റിങ് തൊഴിലാളികളാണ് ഇരുവരും.