അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: തിരുപ്പൂരിൽ കാറും ബസും കൂട്ടിയിടിച്ചുണ്ടായ അപകടത്തിൽ ഒരു കുടുംബത്തിലെ അഞ്ച് പേർ മരിച്ചു. ഒരാൾക്ക് പരിക്കേറ്റു. തിരുപ്പൂർ ജില്ലയിലെ കാങ്കേയത്തിനു സമീപം ഓലപാളയത്തായിരുന്നു അപകടം.
പരിക്കേറ്റയാൾ ആശുപത്രിയിലാണ്. അപകടത്തിൽ കാർ പൂർണമായും തകർന്നു. ഇയാളുടെ നില ഗുരുതരമാണെന്നാണ് വിവരം. ചന്ദ്രശേഖർ (60), ചിത്ര (57), ഇല്ലസന (26), അരിവിത്ര (30), മൂന്ന് മാസം പ്രായമുള്ള സാക്ഷി എന്നിവരാണ് ദാരുണമായ അപകടത്തിൽ മരിച്ചത്.
അപകടവിവരം നാട്ടുകാരാണ് പൊലീസിൽ അറിയിച്ചത്. പൊലീസും അഗ്നിശമനസേനയും സംഭവസ്ഥലത്തെത്തി ബസിനടിയിൽ കുടുങ്ങിയ കാർ പുറത്തെടുത്തു. മരിച്ചവരുടെ മൃതദേഹങ്ങൾ പോസ്റ്റുമോർട്ടം നടപടികൾക്കായി സർക്കാർ ആശുപത്രിയിലേക്ക് മാറ്റി. അപകടത്തിൽ പൊലീസ് കേസെടുത്ത് അന്വേഷണം ആരംഭിച്ചു. അപകടത്തെ തുടർന്ന് പ്രദേശത്തെ ഗതാഗതം ഏറെനേരം തടസപ്പെട്ടു.
Read also :ജോലി ലഭിച്ചില്ല; നിരാശയിൽ 20 വയസ്സുകാരി ഹോട്ടലിന്റെ അഞ്ചാം നിലയിൽ നിന്നു ചാടി ജീവനൊടുക്കി
