അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആലപ്പുഴ: കായംകുളത്തു പൊലീസിന് നേരെയുണ്ടായ ആക്രമണത്തില്‍ രണ്ട് സിവില്‍ പോലീസ് ഓഫീസര്‍മാർക്ക് പരിക്ക്. സിപിഒമാരായ പ്രവീൺ, സബീഷ് എന്നിവർക്കാണ് പരിക്കേറ്റത്.
കായംകുളം ദേവീകുളങ്ങര ക്ഷേത്ര ഉത്സവവുമായി ബന്ധപ്പെട്ട കെട്ടുകാഴ്ചയ്ക്കിടയാണ് ആക്രമണം. കെട്ടുകാഴ്ച കടന്നു പോകാൻ 11 കെവി ലൈൻ ഓഫ് ചെയ്തിരുന്നു.
ഏറെ നേരമായി പ്രദേശത്ത് വൈദ്യുതി ഇല്ലാത്തതിനാൽ ലൈൻ ഓൺ ചെയ്യാൻ പൊലീസ് പറഞ്ഞതാണ് തർക്കത്തിനിടയായത്. തുടര്‍ന്നാണ് പൊലീസുകാര്‍ക്കുനേരെ ആക്രമണം ഉണ്ടായത്. പൊലീസുകാരെ കായംകുളം താലൂക്ക് ആശുപത്രിയിൽ പ്രവേശിപ്പിച്ചു.
