എളുപ്പത്തില്‍ എങ്ങനെ സ്വാദിഷ്ഠമായ വിഭവങ്ങള്‍ പരീക്ഷിക്കാം എന്നുള്ളത് പലര്‍ക്കും സംശയമാണ്. പാചക പരീക്ഷണങ്ങള്‍ നടത്തുന്നവർക്ക് ട്രൈ ചെയ്തു നോക്കാവുന്ന ഒരു റെസിപ്പിയാണ് കേക്ക് റെസിപ്പി. കേക്ക് എന്ന് പറയുമ്പോള്‍ തന്നെ എല്ലാവര്‍ക്കും കൊതിയാവും. അധികമാളുകളും ഇഷ്ടപ്പെടുന്ന വാനില കേക്ക് തയ്യാറാക്കി നോക്കിയാലോ?
ആവശ്യമായ ചേരുവകൾ
തയ്യാറാക്കുന്ന വിധം
മൈദ, ബേക്കിംഗ് സോഡ, ബേക്കിംഗ് പൗഡര്‍ എന്നിവ നല്ലതുപോലെ മിക്‌സ് ചെയ്യുക. ഇത് നല്ലതുപോലെ മിക്‌സ് ചെയ്ത് മാറ്റി വെക്കുക. ഒരു പാത്രത്തില്‍ മുട്ട പൊട്ടിച്ചെടുത്ത് അതിലേക്ക് പഞ്ചസാര പൊടിച്ചത് കുറച്ച് കുറച്ചായി ചേർത്ത് കൊടുത്ത് നല്ലതുപോലെ ഇളക്കുക. മുഴുവന്‍ പഞ്ചസാരയും ചേർത്ത് കൊടുത്ത് നല്ലതുപോലെ മുട്ട ബീറ്റ് ചെയ്ത് എടുക്കാം. ഇതിലേക്ക് വാനില എസ്സന്‍സ് ചേര്‍ക്കുക. മുട്ടയുടെ പച്ച മണം മാറുന്നതിന് വേണ്ടിയാണ് വാനില എസ്സന്‍സ് ചേര്‍ക്കുന്നത്. അതിന് ശേഷം ബീറ്റ് ചെയ്ത മുട്ടയും വാനില എസ്സന്‍സും പഞ്ചസാരയും ചേര്‍ന്ന മിശ്രിതം മാറ്റി വെച്ചിരിക്കുന്ന മൈദയിലേക്ക് ചേര്‍ക്കുക. ഇത് ഒരു വശത്തേക്ക് നല്ലതുപോലെ ഇളക്കാം.
ഈ സമയം ഒരു കുക്കര്‍ എടുത്ത് അതിന്റെ വിസിലും വാഷറും മാറ്റിയ ശേഷം അടുപ്പില്‍ വെച്ച് പത്ത് മിനിട്ട് ചൂടാക്കാം. മൈദ ചേര്‍ത്ത മിക്‌സ് നല്ലതുപോലെ കട്ടയെല്ലാം ഉടച്ചെടുത്ത ശേഷം അതിലേക്ക് ബാക്കിയുള്ള പാലും ചേര്‍ക്കണം. ശേഷം സണ്‍ഫ്‌ളവര്‍ ഓയിലും ചേര്‍ത്ത് നല്ലതുപോലെ മിക്‌സ് ചെയ്ത് എടുക്കാം. ചുവട് കട്ടിയുള്ള ഒരു പാത്രത്തില്‍ അല്‍പം നെയ്യ് തടവി അതിലേക്ക് മൈദ അല്‍പം ചേർത്ത് കേക്ക് വെക്കുന്നതിനുള്ള പാത്രം റെഡിയാക്കാം. തയ്യാറാക്കി വെച്ചിരിക്കുന്ന മിശ്രിതം ഈ പാത്രത്തിലേക്ക് ഒഴിച്ച് കൊടുക്കാം. ശേഷം കുക്കര്‍ തുറന്ന് അടിയില്‍ എന്തെങ്കിലും സ്റ്റാന്‍ഡ് പോലുള്ള വസ്തു വെച്ച് ഈ മിശ്രിതം ഒഴിച്ച പാത്രം ഇതിലേക്ക് ഇറക്കി വെക്കാം. ശേഷം നല്ലതു പോലെ മൂടി വെക്കുക. 25-30 മിനിട്ടിന് ശേഷം നല്ലതു പോലെ വെന്ത് കഴിഞ്ഞാല്‍ ഗ്യാസ് ഓഫ് യ്യാം. നല്ലതുപോലെ ചൂടാറിയ ശേഷം മുറിച്ചെടുക്കാവുന്നതാണ്.
Read also: പ്രാതലിന് സോഫ്റ്റ് ഇടിയപ്പം തയ്യറാക്കാൻ