അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂർ : സ്കൂളിന് സമീപമുള്ള പാടത്തുനിന്ന് സ്ഫോടക വസ്തു കണ്ടെത്തി. കുന്നംകുളം ചിറ്റഞ്ഞൂരിൽ മാനസികാസ്വാസ്ഥ്യമുള്ള യുവാവിനാണ് തെർമോക്കോൾ പെട്ടിയിൽ ഉഗ്രശേഷിയുള്ള സ്ഫോടകവസ്തു ലഭിച്ചതെന്ന് നാട്ടകാർ പറയുന്നു. കുന്നംകുളം പൊലീസ് സ്ഥലത്തെത്തി പരിശോധന നടത്തി.
വെടിക്കെട്ടിന് ഉപയോഗിക്കുന്ന തരം സ്ഫോടക വസ്തു ആണെന്നാണ് പ്രാഥമിക വിവരം. ഇയാൾ സ്കൂളിന് സമീപത്തേക്ക് സ്ഫോടകവസ്തു എത്തിക്കുകയായിരുന്നു. പിന്നാലെ നാട്ടുകാർ കൗൺസിലറെയും പൊലീസിനെയും വിവരം അറിയിക്കുകയായിരുന്നു.
കൂടുതൽ പരിശോധനയ്ക്കായി ബോംബ് സ്ക്വാഡ് സ്ഥലത്ത് എത്തും. ഉത്സവ സീസണായതിനാൽ പലയിടത്തും ലൈസന്‍സികൾ വെടിക്കെട്ടു സാമഗ്രികൾ നിർമിക്കുന്നുണ്ട്. ആരെങ്കിലും കൗതുകത്തിന് എടുത്തുകൊണ്ടുവന്നതാണോ എന്ന് പൊലീസ് സംശയിക്കുന്നുണ്ട്. പ്രധാനമന്ത്രി നരേന്ദ്ര മോദി കുന്നംകുളത്ത് സന്ദർശനം നടത്താനിരിക്കെ ഇത്തരമൊരു സംഭവം അതീവ ഗൗരവമായാണ് പോലീസ് കാണുന്നത്.
