വയനാട്ടിൽ വൻ കാട്ടുതീ: വനത്തിനുള്ളിലേക്ക് പടർന്നുകയറി: തീ അണയ്ക്കാനുള്ള ശ്രമങ്ങൾ തുടരുന്നു

ബത്തേരി: മൂലങ്കാവ് ദേശീയ പാതയോരത്ത് കാരശ്ശേരി വനത്തിൽ വൻ കാട്ടുതീ പടർന്നു. ഫയർഫോഴ്സും വനംവകുപ്പും നാട്ടുകാരും ചേർന്ന് തീ അണയ്ക്കാൻ ശ്രമിക്കുകയാണ്. ജനവാസ മേഖലയിലേക്ക് ഇതുവരെ തീ പടർന്നിട്ടില്ല. വനത്തിനുള്ളിലേക്കാണ് തീ പടർന്നുകയറിയത്.

മുളങ്കൂട്ടങ്ങൾ കൂട്ടത്തോടെ കത്തി നശിച്ചു. സമീപത്തെ റബർ തോട്ടത്തിലേക്ക് തീ പടർന്നെങ്കിലും നിയന്ത്രിച്ചു. ഉച്ചയോടെയാണ് തീ ആളിപ്പടർന്നത്. അടിക്കാടുകൾ കത്തി നശിച്ചു. തീ നിയന്ത്രണ വിധേയമായിക്കൊണ്ടിരിക്കുകയാണെന്നാണ് പുറത്തു വരുന്ന വിവരം. ജനവാസ മേഖലയിലേക്ക് തീ പടരാതിരിക്കാനുള്ള മുൻകരുതലുകൾ സ്വീകരിച്ചിട്ടുണ്ട്.

Read also :ദിവസങ്ങളോളം പഴക്കമുള്ള യുവാവിന്റെ മൃതദേഹം പുഴയിൽ നിന്ന് കണ്ടെത്തി