അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളിയുടെ ഒരാഘോഷവും ഒരു ഗ്ലാസ് പായസമില്ലാതെ പൂര്‍ത്തിയാവില്ല. ദേ വിഷു ഇവിടെ അടുത്തെത്തി. സദ്യയ്ക്കുള്ള തയ്യറെടുപ്പുകൾ എല്ലാം തുടങ്ങിയിട്ടുണ്ടാകും എല്ലാവരും. സദ്യക്ക് എന്ത് പായസം ഉണ്ടാക്കണമെന്ന സംശയത്തിലാകും പലരും. സംശയം വേണ്ട. വരൂ നമുക്ക് പാലട പ്രഥമൻ തയ്യാറാക്കാം.
ആവശ്യമായ ചേരുവകള്‍
- പാലട – 1/4 കപ്പ്
- പാല്‍ – 4 കപ്പ്
- വെള്ളം – 2 കപ്പ്
- കണ്ടന്‍സ്ഡ് മില്‍ക് – 1 കപ്പ്
- പഞ്ചസാര – 1/2 കപ്പ്
- നെയ്യ് – 2 ടീസ്പൂണ്‍
- അണ്ടിപരിപ്പ് – 5 എണ്ണം
- ഉണക്ക മുന്തിരി – 10 എണ്ണം
- ഏലക്ക – 3 എണ്ണം
തയ്യാറാക്കുന്ന വിധം
മൂന്നുകപ്പ് വെള്ളം തിളപ്പിച്ച് അതില്‍ അട ചേർത്ത് മുപ്പത് മിനുട്ട് നേരം അടച്ചുവക്കുക. ചൂടാക്കിയ നെയ്യില്‍, അണ്ടിപരിപ്പ് പിളര്‍ന്നിട്ട് ചൂടാക്കുക. അതിലേക്ക് മുന്തിരിങ്ങ ചേർത്ത് ബ്രൗണ്‍ നിറമാകുമ്പോള്‍, പൊടിച്ച ഏലക്കായ കൂടി ചേര്‍ത്ത് ചൂടാക്കുക. വെള്ളം വാര്‍ത്ത് കളഞ്ഞ് അട ഇതിലേക്കിട്ട് അഞ്ച് മിനുട്ട് നേരം ഫ്രൈ ചെയ്യുക. കട്ടിയുള്ള ഒരു പാത്രത്തില്‍ പാലും വെള്ളവും ചേര്‍ത്ത് തിളപ്പിക്കുക. അതിലേക്ക് വേവിച്ച അട ചേർത്ത് തീ കുറച്ച് നന്നായി ഇളക്കുക. വെള്ളവും പാലും മൂന്നില്‍ രണ്ട് ഭാഗമായി കുറയുന്നതുവരെ ഇളക്കി ഏതാണ്ട് ഒരു മണിക്കൂറോളം അട നന്നായി വേവിക്കുക. ശേഷം കണ്ടന്‍സ്ഡ് മില്‍ക്ക് ഒഴിച്ച് ഏഴു മിനുട്ട് നേരം കൂടി വേവിച്ച് പഞ്ചസാര ചേര്‍ത്ത് നന്നായി ഇളക്കി വാങ്ങുക. രുചികരമായ പാലട പ്രഥമന്‍ തയാറായി.
