അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: പുലാപ്പറ്റയില്‍ കാണാതായ യുവാവിന്റെ മൃതദേഹം പാറമടയില്‍ കണ്ടെത്തി. കോണിക്കഴി ഡോ.രമേഷ് ബാബുവിന്റെ മകന്‍ രാമകൃഷ്ണനെയാണ് (22) മരിച്ച നിലയില്‍ കണ്ടെത്തിയത്.
കീറിപ്പാറ ചാത്തംപള്ളിയാലില്‍ ക്വാറിയിലെ മടയിലാണ് മൃതദേഹം കണ്ടെത്തിയത്. പാറമടയ്‌ക്ക് സമീപം ബൈക്കും വെള്ളത്തില്‍ ചെരുപ്പും കണ്ടതിനെ തുടര്‍ന്ന് അഗ്‌നിരക്ഷാസേന തിരച്ചില്‍ നടത്തിയിരുന്നു.
പാലക്കാട് നിന്ന് സ്‌കൂബ സംഘം ഉള്‍പ്പെടെ എത്തി നടത്തിയ പരിശോധനയിലാണ് യുവാവിന്റെ മൃതദേഹം കണ്ടെത്തിയത്. പൊലീസ് മേല്‍ നടപടികള്‍ സ്വീകരിച്ചു.
