വിഷുവിന് സ്പെഷ്യലായി ഉണ്ടാക്കുന്ന ഒരു വിഭവമാണ് വിഷുക്കട്ട. വിഷുവിനുള്ള പ്രഭാതഭക്ഷണമായാണ് വിഷുക്കട്ട തയ്യറാക്കുന്നത്. അതിഥികളെയും വീട്ടിലുള്ളവരെയും ഞെട്ടിപ്പിക്കാന്‍ സ്‌പെഷല്‍ വിഷു കട്ട തയ്യാറാക്കി നോക്കൂ.
ആവശ്യമായ ചേരുവകള്‍
തയ്യറാക്കുന്ന വിധം
അരമണിക്കൂര്‍ അരി കുതിര്‍ക്കാന്‍ വയ്ക്കണം. തേങ്ങാപാല്‍ ഒന്നാം പാല്‍, രണ്ടാം പാല്‍, മൂന്നാം പാല്‍ എന്നിങ്ങനെ വേര്‍തിരിച്ച് വയ്ക്കണം. ഉരുളിയിലോ വലിയ പാത്രത്തിലോ തയ്യറാക്കാം. ഇതിലേക്ക് മൂന്ന് കപ്പ് മൂന്നാം പാല്‍ ഒഴിച്ച് ചെറുതായി ചൂടാക്കാം. ഇതിലേക്ക് കുതിര്‍ത്ത് വച്ച ഉണക്കലരി ചേര്‍ക്കാം. ശേഷം ചെറിയ തീയില്‍ ആക്കി പാത്രം മൂടി വയ്ക്കുക. അരി അല്‍പം വെന്തുകഴിഞ്ഞാല്‍ രണ്ടാം പാല്‍ ചേര്‍ക്കുക. ഇതിന്റെ കൂടെ ആവശ്യത്തിന് ഉപ്പും ചേര്‍ക്കാം. ചെറിയ ചൂടില്‍ തന്നെ പാകം ആകാന്‍ വെയ്ക്കുക. മൂക്കാല്‍ ഭാഗം വെന്തുകഴിഞ്ഞാല്‍ അതിലേക്ക് ഒന്നാം പാലും ചേര്‍ക്കുക. അതൊടൊപ്പം ജീരക പൗഡറും ഇഞ്ചി പൗഡറും ചേര്‍ക്കാം. വിഷുകട്ട ചെറുതായി കട്ടിയാകുന്നവരെ മൂടിവയ്ക്കുക. അതില്‍ നിന്നും ഓയില്‍ വേറിട്ട് കണ്ടാല്‍ കട്ട കട്ടിയായി എന്നര്‍ത്ഥം. ചെറുതായി കട്ടിയായി കഴിഞ്ഞാല്‍ വാഴ ഇല വെച്ച പാത്രത്തിലേക്ക് മാറ്റാം. സ്പൂണ്‍ കൊണ്ട് നന്നായി പരത്തിയെടുക്കുക. ഒരു കേക്ക് രൂപത്തില്‍ വട്ടത്തില്‍ പരത്താം. ശേഷം തണുപ്പിക്കാന്‍ വയ്ക്കാം. തണുത്ത് വരുമ്പോഴേക്കും നന്നായി ഉറച്ചിട്ടുണ്ടാകും. സ്വാദിഷ്ടമായ വിഷു കട്ട വിളമ്പാം..