കഞ്ഞിയിലും ചോറിലും തൊട്ടുകൂട്ടാൻ അച്ചാർ ഉണ്ടെങ്കിൽ സന്തോഷായി. അച്ചാർ ഇഷ്ട്ടപെടുന്നവരാണ് ഒട്ടുമിക്ക ആളുകളും. അച്ചാറിൽ തന്നെ പലവിധമുണ്ട്. മാങ്ങാ അച്ചാർ നാരങ്ങാ അച്ചാർ… അങ്ങനെ അങ്ങനെ പോകുന്നു ലിസ്റ്റുകൾ. മലയാളികൾക്ക് മീൻ അച്ചാറിനോട് ഒരു പ്രത്യേക മുഹബത്താണ്. ഒരു ചെമ്മീന്‍ അച്ചാർ തയ്യറാക്കിയാലോ?
ആവശ്യമായ ചേരുവകള്‍
തയ്യറാക്കുന്ന വിധം
ചെമ്മീന്‍ തോടു കളഞ്ഞ് കഴുകി വൃത്തിയാക്കി വെള്ളം കളയുക. ഇതില്‍ പകുതി മഞ്ഞള്‍പ്പൊടി, മുളകുപൊടി, പാകത്തിന് ഉപ്പ് എന്നിവ പുരട്ടി അര മണിക്കൂര്‍ വയ്ക്കുക. ഇത് പിന്നീട് വറുത്തെടുക്കുക. ഒരു പാനില്‍ എണ്ണ ചൂടാക്കുക. ഇതില്‍ കടുക്, ഉലുവ എന്നിവ പൊട്ടിയ്ക്കുക. അരിഞ്ഞ വെളുത്തുള്ളി, ഇഞ്ചി, പച്ചമുളക് എന്നിവയിടുക. കറിവേപ്പിലയും ചേര്‍ത്തിളക്കണം. ഇത് മൂത്തു കഴിയുമ്പോള്‍ പാനില്‍ നിന്നും വാങ്ങുക. ഇതേ പാനില്‍ അല്‍പം കൂടി എണ്ണയൊഴിച്ച് ഇഞ്ചി-വെളുത്തുള്ളി പേസ്റ്റ് വഴറ്റണം. ബാക്കി മഞ്ഞള്‍, മുളകുപൊടികള്‍ ചേര്‍ത്തിളക്കുക. ഇത് മൂത്ത് എണ്ണ മുകളിലായി വരുമ്പോള്‍ അല്‍പം വെള്ളമൊഴിയ്ക്കുക. ഇത് പതുക്കെ തിളച്ചുവരുമ്പോള്‍ ചെമ്മീന്‍ ചേര്‍ത്തിളക്കണം.
രണ്ടു മിനിറ്റ് ഇളക്കിയ ശേഷം മൂപ്പിച്ചു മാറ്റി വച്ചിരിയ്ക്കുന്ന കൂട്ട് ഇതിലേയ്ക്കു ചേര്‍ത്തിളക്കണം. വിനെഗറും ഒഴിയ്ക്കുക. ഇത് തിളച്ചു കുറുകി മസാല ചെമ്മീന്‍ പിടിച്ചു കഴിയുമ്പോള്‍ വാങ്ങി വയ്ക്കാം. ചാറ് കൂടുതല്‍ വേണമെങ്കില്‍ ഇതനുസരിച്ച് വെള്ളമോ വിനെഗറോ ചേര്‍ക്കാം. വിനെഗര്‍ ചേര്‍ക്കുമ്പോള്‍ പുളി അധികമാകാതെ നോക്കണം. വാങ്ങി വച്ച് മുകളില്‍ വേണമെങ്കില്‍ അല്‍പം കൂടി നല്ലെണ്ണ ചൂടാക്കിയൊഴിച്ച് ചൂടാറുമ്പോള്‍ അടച്ചു വയ്ക്കാം. കുടംപുളിയിട്ട നാടന്‍ ചെമ്മീന്‍ കറി