അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: കേരളാ സ്റ്റോറി സിനിമ ഉൾപ്പെടെയുള്ള വിവാദ വിഷയങ്ങളിൽ ബി.ജെ.പി നിലപാടിനെതിരെ മലപ്പുറത്തെ പാർട്ടി സ്ഥാനാർഥി എം അബ്ദുൽ സലാം. അയോധ്യയും ഗ്യാൻവാപിയും സി.എ.എയും കേരളാ സ്റ്റോറിയുമെല്ലാം കത്തിച്ച് കത്തിച്ച് അതിന്റെ ചൂടിൽ പൊരിയുന്നത് താനാണെന്ന് അദ്ദേഹം പറഞ്ഞു. ക്രിസ്മസിന് ക്രൈസ്തവരുടെ വീട്ടില്‍ പോയ ബി.ജെ.പി നേതാക്കള്‍ ഈദിന് മുസ്ലിം ഭവനങ്ങളിലും പോകണ്ടേയെന്നും അദ്ദേഹം ചോദിച്ചു.
“ഞാൻ കേരള സ്റ്റോറി കണ്ടിട്ടില്ല. എന്നാൽ, അത് മുസ്‍ലിംകൾക്ക് അസ്വസ്ഥതയുണ്ടാക്കിയിട്ടുണ്ടെന്നത് വസ്തുതയാണ്. ഈ സമയത്ത് ഈ വിവാദം വന്നത് മലപ്പുറം പോലെ 70 ശതമാനം മുസ്‍ലിംകളുള്ളിടത്ത് ബാധിച്ചേക്കാം. ക്രിസ്മസിന് ക്രൈസ്തവരുടെ വീട്ടില്‍ പോയ ബി.ജെ.പി നേതാക്കള്‍ ഈദിന് മുസ്ലിം ഭവനങ്ങളിലും പോകേണ്ടതായിരുന്നു. ക്രിസ്മസിന് പോകാമെങ്കിൽ ഈദിനും പോകണ്ടേ?” -അബ്ദുസ്സലാം ചോദിച്ചു.
സി.എ.എ വിഷയത്തിൽ മുസ്ലിം മേഖലകളിൽ ബി.ജെ.പി നേതൃത്വം മതിയായ വിശദീകരണം നൽകിയില്ലെന്നും അദ്ദേഹം പറഞ്ഞു.
