അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കലാഭവൻ മണിയുടെ വിയോഗം ഞെട്ടിച്ചു കളഞ്ഞുവെന്ന് നടൻ സലിംകുമാർ. തനിക്ക് വന്ന രോഗം തന്നെയാണ് മണിയ്ക്കും വന്നത്. ചികിത്സിച്ച് മാറ്റാൻ കഴിയുമായിരുന്നു. എന്നാൽ, മണി ചികിത്സിച്ചിരുന്നില്ല. മണി ഇത്ര പെട്ടെന്ന് പോകുമെന്ന് പ്രതീക്ഷിച്ചിരുന്നില്ലെന്നും സലിംകുമാർ പറഞ്ഞു.
ചികിത്സിച്ച് ഭേദപ്പെടുത്താൻ കഴിയുമായിരുന്ന രോഗമാണ്. എന്നാൽ, അതിന് മണി അതിന് തയ്യാറായില്ല. മണിയുടെ ഡോക്ടർ തന്നെ വിളിച്ച് സംസാരിച്ചിരുന്നു. രോഗം ചികിത്സിക്കണമെന്ന് മണിയോട് പറയണമെന്നായിരുന്നു ഡോക്ടർ പറഞ്ഞതെന്നും അദ്ദേഹം ഓർമ്മിക്കുന്നു.
രോഗം അംഗീകരിക്കാൻ മണി ഒരിക്കലും തയ്യാറായിരുന്നില്ല. ഭയമായിരുന്നു മണിയ്ക്ക്. ആളുകൾ അറിഞ്ഞാൽ എന്ത് കരുതും, സിനിമ നഷ്ടമാകുമോ തുടങ്ങിയ ഭയമായിരുന്നു മണിയെ അലട്ടിയത്. യാഥാർത്ഥ്യത്തിന്റെ പാതയിലൂടെ മണി ചിന്തിച്ചില്ല. അങ്ങനെ ചിന്തിയ്ക്കുകയോ ചികിത്സിക്കുകയോ ചെയ്തിരുന്നുവെങ്കിൽ മണി ഇപ്പോഴും ജീവിച്ചിരിക്കുമായിരുന്നുവെന്നും സലിംകുമാർ കൂട്ടിച്ചേർത്തു.
ഗ്രാമഫോൺ സിനിമയിലെ ‘എന്തേ ഇന്നും വന്നീല എന്ന’ ഗാനം കാണുമ്പോൾ പേടിയും സങ്കടവും തോന്നും ആ പാട്ടിൽ കാണിച്ചിരിക്കുന്നവരിൽ താനൊഴികെ മറ്റാരും ഇന്ന് ജീവിച്ചിരിപ്പില്ല. ആ പാട്ട് കണ്ടപ്പോൾ പേടിച്ചു പോയി. ഉടൻ താൻ പാട്ട് നിർത്തിവെച്ചുവെന്നും താരം പറയുന്നു.
