അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.താമരശ്ശേരി: കാറുകൾ തമ്മിൽ കൂട്ടിയിടിച്ച് 7 പേർക്ക് പരിക്കേറ്റു. മുക്കം സംസ്ഥാന പാതയിൽ കുടുക്കിൽ ഉമ്മരത്ത് ആണ് അപകടമുണ്ടായത്. താമരശേരി ഭാഗത്തു നിന്നും മുക്കം ഭാഗത്തേക്ക് പോകുവായിരുന്ന കാർ അമിതവേഗതയിൽ ലോറിയെ മറികടക്കാൻ ശ്രമിക്കുന്നതിനിടെയാണ് എതിരെ വന്ന കാറിൽ ഇടിച്ചത്.
അത്തോളി സ്വദേശികളായ കുടുംബം സഞ്ചരിച്ച കാറും നരിക്കുനി സ്വദേശിയുടെ കാറുമാണ് കൂട്ടിയിടിച്ചത്. ഇരുകാറുകളിലേയും യാത്രക്കാരായ അത്തോളി കൂട്ടിൽ ഷമീം (41), ജസീറ (35), ആയിഷ (75), സിയാൻ (13), ഷിഫ്ര (11 മാസം), ഷിബ (7), സലാഹുദ്ദീൻ നരിക്കുനി എന്നിവർക്കാണ് പരുക്കേറ്റത്.
ഇന്നലെ രാത്രി പത്തരയോടെയായിരുന്നു അപകടം. ഇരുകാറുകളുടെയും മുൻഭാഗം പൂർണമായും തകർന്നു. സാരമായി പരുക്കേറ്റ ഷിബയെ മെഡിക്കൽ കോളജ് ആശുപത്രിയിലേക്കും സലാഹുദ്ദീനെ കോഴിക്കോട്ടെ സ്വകാര്യ ആശുപത്രിയിലേക്കും മാറ്റി. ബാക്കിയുള്ളവരെ ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
Read also :പെൻഷൻ ക്യൂവിൽ നിൽക്കവേ മോൻസൺ മാവുങ്കലിന്റെ ഭാര്യ കുഴഞ്ഞുവീണു മരിച്ചു
