അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: കനത്ത മഴയെത്തുടർന്ന് ദുബൈയിലേക്കും തിരിച്ചുമുള്ള വിമാനസർവീസുകൾ താളംതെറ്റി. ദുബൈയിൽ നിന്ന് ഇന്നലെയും ഇന്നുമായി എത്തേണ്ട ഇൻഡിഗോയുടെ രണ്ട് വിമാനങ്ങൾ റദ്ദാക്കി. കൊച്ചിയിൽ നിന്നും പുറപ്പേടേണ്ട വിമാനങ്ങളും വൈകുകയാണ്. ഇന്നലെ രാത്രി 10.15ന് പുറപ്പേടേണ്ട സ്പൈസ് വിമാനം ഇനിയും പുറപ്പെട്ടില്ല.
ഇന്ന് ഉച്ചക്ക് 12.15ന് പുറപ്പെടുമെന്നാണ് അധികൃതർ വ്യക്തമാക്കുന്നത്. രാവിലെ 10.30ന് പുറപ്പെടേണ്ട എമിറേറ്റ് വിമാനവും വൈകും. ഇത് 12.30ന് യാത്ര ആരംഭിക്കുമെന്നാണ് അധികൃതർ അറിയിക്കുന്നത്. ഇന്ന് പുലർച്ചെ 3.15ന് എത്തേണ്ടിയിരുന്ന എയർ അറേബ്യയുടെ ഷാർജ വിമാനവും റദ്ദാക്കിയിട്ടുണ്ട്.
രാവിലെ 10.30ന് ദുബൈക്ക് പുറപ്പെടേണ്ട എമിറേറ്റ്സ് വിമാനം വൈകുമെന്ന് അധികൃതർ അറിയിച്ചു. തിരുവനന്തപുരം അന്താരാഷ്ട്ര വിമാനത്താവളത്തിൽ ഷാർജയിലേക്കുള്ള എയർ അറേബ്യ വിമാനവും റദ്ദാക്കി.
ഇന്ന് പുലർച്ചെ 2.45ന് എത്തേണ്ട ഇൻഡിഗോയുടെ ദോഹ വിമാനം റദ്ദാക്കി. രാവിലെ 3.15 ന് എത്തേണ്ട എയർ അറേബ്യയുടെ ഷാർജ വിമാനവും റദ്ദാക്കി. ഇന്നലെ വൈകിട്ട് ദുബൈയിൽ നിന്നെത്തേണ്ട ഇൻഡിഗോ വിമാനവും റദ്ദാക്കിയിരുന്നു.
Read also :കൽപറ്റയിൽ സ്കൂട്ടർ താഴ്ചയിലേക്ക് മറിഞ്ഞ് വിദ്യാര്‍ഥിനിയ്ക്ക് ദാരുണാന്ത്യം
