അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പല തരത്തിൽ പുലാവ് ഉണ്ടാക്കാം. ചിക്കൻ പുലാവ്, ഫിഷ് പുലാവ്, വെജ് പുലാവ് അങ്ങനെ അങ്ങനെ ഇഷ്ട്ടനുസരണം പുലാവ് തയ്യറാക്കാം. എന്നാൽ ഇന്ന് കുറച്ച് വ്യത്യസ്തമായി തക്കാളി രുചിയിൽ ഒരു പുലാവ് തയ്യറാക്കാം. വളരെ എളുപ്പത്തിലും രുചിയിലും തയ്യറാക്കാവുന്ന ടൊമാറ്റോ പുലാവ് റെസിപ്പി നോക്കാം.
ആവശ്യമായ ചേരുവകൾ
- ബസ്മതി റൈസ്-2 കപ്പ്
- സവാള-1
- ഇഞ്ചി-വെളുത്തുള്ളി പേസ്റ്റ്-2 ടീസ്പൂണ്‍
- തക്കാളി-3
- ക്യാപ്‌സിക്കം-1
- പനീര്‍-അരക്കപ്പ്
- ഗ്രീന്‍പീസ്-അരക്കപ്പ്
- പച്ചമുളക്-2
- ടൊമാറ്റോ കെച്ചപ്പ്-കാല്‍ കപ്പ്
- മുളകുപൊടി-1 ടീ്‌സ്പൂണ്‍
- മഞ്ഞള്‍പ്പൊടി-അര ടീസ്പൂണ്‍
- പാവ്ബാജി മസാല-2 ടീസ്പൂണ്‍
- ഉപ്പ്
- മല്ലിയില
- എണ്ണ
തയ്യറാക്കുന്ന വിധം
അരി കഴുകി പാകത്തിനു വേവിച്ചു വയ്ക്കുക. ഒരു പാനില്‍ എണ്ണ തിളപ്പിയ്ക്കുക. ഇതിലേയ്ക്ക് ഇഞ്ചി-വെളുത്തുള്ളി പേസ്റ്റ് ചേര്‍ക്കണം. ഇത് മൂപ്പായി കഴിയുമ്പോള്‍ സവാള അരിഞ്ഞതു ചേര്‍ത്തിളക്കുക. സവാളി മൂത്തു കഴിയുമ്പോള്‍ തക്കാളി, മഞ്ഞള്‍പ്പൊടി, മുളുകുപൊടി, പാവ്ബാജി മസാല എന്നിവ ചേര്‍ത്തിളക്കുക. ഇതിലേയ്ക്ക് ടൊമാറ്റോ കെച്ചപ്പ് ചേര്‍ത്തിളക്കണം. പിന്നീട് ഇതിലേയ്ക്ക് ക്യാപ്‌സിക്കം, പച്ചമുളക്, ഗ്രീന്‍പീസ്, ഉപ്പ് എന്നിവ ചേര്‍ത്തിളക്കുക. ഇതിലേയ്ക്ക് പനീര്‍ കഷ്ണങ്ങള്‍ ചേര്‍ത്തിളക്കുക. ഇത് നല്ലപോലെ ഇളക്കണം. ഇതിലേയ്ക്ക് പാകത്തിനു വെള്ളം ചേര്‍ത്ത് വേവിയ്ക്കുക. കൂട്ട് വെന്തു കഴിഞ്ഞാല്‍ വേവിച്ചു വച്ചിരിയ്ക്കുന്ന ചോറ് ചേര്‍ത്തിളക്കുക. മല്ലിയില അരിഞ്ഞു ചേര്‍ത്തു വാങ്ങി വയ്ക്കാം.
