തിരുവനന്തപുരം: തിരുവനന്തപുരത്ത് പിറന്നാള്‍ പാർട്ടിക്കിടെ സംഘർഷം. അഞ്ചുപേർക്ക് കുത്തേറ്റു. കഴക്കൂട്ടത്ത് ബിയർ പാർലറിലാണു സംഭവം. ശ്രീകാര്യം സ്വദേശികളായ ഷാലു, സൂരജ്, വിശാഖ്, സ്വരൂപ്, അതുൽ എന്നിവർക്കാണ് കുത്തേറ്റത്. ഇവരിൽ 2 പേരുടെ നില ഗുരുതരമാണ്. ഇന്നലെ രാത്രി 11.30 ന് ആയിരുന്നു സംഭവം. പിറന്നാൾ ആഘോഷിക്കാനെത്തിയവർ മറ്റൊരു സംഘവുമായി തർക്കത്തിലാവുകയായിരുന്നു. ടെക്നോപാർക്കിന് എതിർവശത്തെ B6 (ബി സിക്സ് ) ബിയർ പാർലറിലാണ് സംഭവം. സംഭവവുമായി ബന്ധപ്പെട്ട് ഷമീം, ജിനോ, അനസ് എന്നീ മൂന്നു പേരെ പൊലീസ് കസ്റ്റഡിയിലെടുത്തു. കേസില്‍ ഉൾപ്പെട്ടവരുടെ ക്രിമിനൽ പശ്ചാത്തലവും അന്വേഷിക്കും.