അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളാഞ്ചേരി: വട്ടപ്പാറവളവിൽ നിയന്ത്രണം വിട്ട് ലോറി മറിഞ്ഞു. ഇന്ന് പുലർച്ചെ നാലരയോടെയാണ് അപകടം. ഡ്രൈവറും സഹായിയും നിസാര പരിക്കുകളോടെ രക്ഷപെട്ടു.
കോഴിക്കോട് ഭാഗത്തുനിന്ന് തൃശ്ശൂരിലേക്ക് സവാള കയറ്റികൊണ്ടുവന്ന ലോറിയാണ് മറിഞ്ഞത്. വട്ടപ്പാറ പ്രധാന വളവിലാണ് ലോറി പാതയോരം ചേർന്ന് മറിഞ്ഞത്. ഹൈവേ പൊലീസ് സ്ഥലത്തെത്തി സ്ഥിതിഗതികള്‍ നിയന്ത്രിച്ചു.
അപകടത്തെ തുടര്‍ന്ന് റോഡില്‍ ഓയില്‍ പരന്നൊഴുകിയതിനെ തുടര്‍ന്ന് വാഹനങ്ങള്‍ വഴിതിരിച്ചു വിട്ടു. തിരൂരില്‍ നിന്നും അഗ്‌നിരക്ഷാ സേനയെത്തി റോഡ് ഗതാഗതയോഗ്യമാക്കി.
