അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പലര്‍ക്കും ഇഷ്ടപ്പെട്ട ഒരു വിഭവമാണ് പനീര്‍. പ്രത്യേകിച്ച് വെജിറ്റേറിയൻ ഭക്ഷണം ഇഷ്ടപെടുന്നവർക്കും പാലുല്‍പന്നങ്ങള്‍ ഇഷ്ടപ്പെടുന്നവര്‍ക്കും. പാല്‍ ഉല്‍പന്നമായതു കൊണ്ട് കുട്ടികള്‍ക്കും ഇത് ഇഷ്ടപെടും. പ്രത്യേകിച്ച് പാല്‍ കുടിയ്ക്കാന്‍ മടിയുള്ള കുട്ടികള്‍ക്ക് പനീർ വിഭവങ്ങൾ തയ്യറാക്കി നൽകാം.
പനീര്‍ ഉപയോഗിച്ച് വിവിധ തരം സ്വാദിഷ്ടമായ വിഭവങ്ങളുണ്ടാക്കാം. എരിവ് ഇഷ്ടപ്പെടുന്നവര്‍ക്ക് വേണ്ടി സ്‌പൈസി പനീര്‍ ടിക്ക റെസിപ്പി ഒന്ന് നോക്കിയാലോ?
ആവശ്യമായ ചേരുവകൾ
- പനീര്‍-കാല്‍ കിലോ
- തൈര്-ഒരു കപ്പ്
- സവാള-2
- തക്കാളി-2
- ഇഞ്ചി-വെളുത്തുള്ളി പേസ്റ്റ്-1 ടീസ്പൂണ്‍
- പച്ചമുളക്-2
- കശുവണ്ടിപ്പരിപ്പ് അരച്ചത്- 2 ടീസ്പൂണ്‍
- ടിക്ക മസാല-1 ടീസ്പൂണ്‍
- ചാട്ട് മസാല-1 ടീസ്പൂണ്‍
- ചന്ന മസാല-1 ടീസ്പൂണ്‍
- ഉപ്പ്
തയ്യറാക്കുന്ന വിധം
പനീര്‍ കഷ്ണങ്ങളായി മുറിയ്ക്കുക. ഒരു പാനില്‍ എണ്ണ ചൂടാക്കുക. ഇതില്‍ സവാളയിട്ട് വഴറ്റണം. സവാള നല്ലപോലെ വഴറ്റിക്കഴിഞ്ഞാല്‍ തക്കാളിയിട്ടു വഴറ്റണം. ഇതിലേക്ക് ഇഞ്ചി-വെളുത്തുള്ളി പേസ്റ്റ് ചേര്‍ക്കണം. പച്ചമുളകും ചേര്‍ക്കുക. ഇതിലേക്ക് ചാട്ട് മസാല, ചന്ന മസാല എന്നിവ ചേര്‍ക്കണം. ഇത് നല്ലപോലെ ഇളക്കിയ ശേഷം തൈരും ചേര്‍ക്കണം. മുകളിലെ മിശ്രിതം നല്ലപോലെ വെന്തു കഴിയുമ്പോള്‍ കശുവണ്ടിപ്പരിപ്പ് അരച്ചതു ചേര്‍ത്തിളക്കണം. ഈ മിശ്രിതത്തിലേക്ക് പനീര്‍ കഷ്ണങ്ങള്‍, ഉപ്പ് എന്നിവ ചേര്‍ത്തിളക്കുക. ഇത് അല്‍പനേരം വേവിച്ച ശേഷം വാങ്ങി വച്ച് ചൂടോടെ ഉപയോഗിക്കാം.
