അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചോറ് പലതരത്തിലും തയ്യാറാക്കാം. ബിരിയാണിയും പുലാവുമെല്ലാം ഇതിന്റെ വ്യത്യസ്ത രൂപങ്ങളാണ്. പച്ചക്കറികൾ, ചിക്കൻ, ബീഫ്, മുട്ട അങ്ങനെ ഇഷ്ടാനുസരണം ചേർത്ത് ചോറ് തയ്യറാക്കാം. പച്ചക്കറികളിൽ ക്യാരറ്റിന് ആരോഗ്യഗുണഗൽ ഏറെയുണ്ട്. ആരോഗ്യത്തിന്, പ്രത്യേകിച്ച് കണ്ണുകളുടെ ആരോഗ്യത്തിനു വളരെ നല്ലൊരു ഭക്ഷണവസ്തുവാണ് ക്യാരറ്റ്. ഇതിൽ വൈറ്റമിന്‍ സി അടങ്ങിയിരിക്കുന്നു. ക്യാരറ്റ് ചേര്‍ത്ത് ക്യാരറ്റ് റൈസ് തയ്യറാക്കിയാലോ?
ആവശ്യമായ ചേരുവകൾ
- ചോറ്-2 കപ്പ്
- ക്യാരറ്റ്-5 (നീളത്തില്‍ ഇടത്തരം കഷ്ണങ്ങളാക്കി നുറുക്കിയത്)
- സവാള-2
- ക്യാപ്‌സിക്കം-1
- പച്ചമുളക്-3
- വെളുത്തുള്ളി-3
- ഇഞ്ചി-അര കഷ്ണം
- മഞ്ഞള്‍പ്പൊടി-അര ടീസ്പൂണ്‍
- മുളകുപൊടി-അര ടീസ്പൂണ്‍
- പുലാവ് മസാല-അര ടീസ്പൂണ്‍
- കുരുമുളകുപൊടി-അര ടീസ്പൂണ്‍
- ജീരകം-അര ടീസ്പൂണ്‍
- ഉപ്പ്
- എണ്ണ
- മല്ലിയില
തയ്യറാക്കുന്ന വിധം
ഒരു പാനില്‍ എണ്ണ ചൂടാക്കുക. ഇതിലേക്കു ജീരകം പൊട്ടിയ്ക്കുക. ഇതിലേക്ക് സവാള ചേർത്തിളക്കണം. ഇഞ്ചി, വെളുത്തുള്ളി, ക്യാരറ്റ്, ക്യാപ്‌സിക്കം എന്നിവ ഇതിലേക്കിട്ട് ഇളക്കണം. ഉപ്പും മഞ്ഞള്‍പ്പൊടിയും ചേര്‍ത്തിളക്കുക. പച്ചക്കറികള്‍ ഒരുവിധം വേവാകുമ്പോള്‍ കുരുമുളകു പൊടി, മുളകുപൊടി, പുലാവ് മസാല, പച്ചമുളക് എന്നിവ ചേര്‍ത്തിളക്കുക. തയ്യാറാക്കി വച്ചിരിക്കുന്ന ചോറ് ഇതിലേക്കു ചേര്‍ത്തിളക്കണം. ക്യാരറ്റ് റൈസ് ചൂടോടെ കഴിയ്ക്കാം.
