അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: ദുബൈ കെ.എം.സി.സി കോഴിക്കോട് ജില്ല കമ്മിറ്റിയുടെ ആഭിമുഖ്യത്തിൽ കോഴിക്കോട് ജില്ലയിലെ യു.ഡി.എഫ് സ്ഥാനാർഥികളുടെ വിജയത്തിനായി ദുബൈയിൽ തെരഞ്ഞെടുപ്പ് പ്രചാരണ കൺവെൻഷൻ സംഘടിപ്പിച്ചു.
മുസ്ലിംലീഗ് കോഴിക്കോട് ജില്ല പ്രസിഡന്റ് എം.എ. റസാഖ് കൺവെൻഷൻ ഉദ്ഘാടനം ചെയ്തു. ജില്ലയിലെ യു.ഡി.എഫ് സ്ഥാനാർഥികളായ എം.കെ. രാഘവൻ, ഷാഫി പറമ്പിൽ, മുസ്ലിം ലീഗ് കോഴിക്കോട് ജില്ല ജനറൽ സെക്രട്ടറി ടി.ടി. ഇസ്മായിൽ എന്നിവർ ഓൺലൈൻ വഴി ചടങ്ങിന് അഭിവാദ്യമർപ്പിച്ചു. ദുബൈ കെ.എം.സി.സി ആക്ടിങ് പ്രസിഡന്റ് ഇബ്രാഹിം മുറിച്ചാണ്ടി ‘ഹലോ ഇന്ത്യ’ കാമ്പയിൻ ഉദ്ഘാടനം ചെയ്തു.
ജില്ല പ്രസിഡന്റ് കെ.പി. മുഹമ്മദ് അധ്യക്ഷത വഹിച്ചു. സംസ്ഥാന സീനിയർ സെക്രട്ടറി അഡ്വ. സാജിദ്, ബി.എ. നാസർ, ഇസ്മായിൽ ഏറാമല, ചാക്കോ ഊളക്കാടൻ എന്നിവർ ആശംസ നേർന്നു. ജില്ല ജന. സെക്രട്ടറി ജലീൽ മഷ്ഹൂർ തങ്ങൾ സ്വാഗതവും സെക്രട്ടറി ജസീൽ കായണ്ണ നന്ദിയും പറഞ്ഞു.
ജില്ല ഭാരവാഹികളായ നജീബ് തച്ചംപൊയിൽ, തെക്കയിൽ മുഹമ്മദ്, ടി.എൻ. അഷ്റഫ്, മൊയ്തു അരൂർ, മജീദ് കൂനഞ്ചേരി, വി.കെ.കെ. റിയാസ്, മൂസ കൊയമ്പ്രം, ഷംസു മാത്തോട്ടം, യു.പി. സിദ്ദീഖ്, സറീജ് ചീക്കിലോട്, ഗഫൂർ പാലോളി എന്നിവർ നേതൃത്വം നൽകി.
