അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഭൂമി ഇടപാടുമായി ബന്ധപ്പെട്ട് പത്തുലക്ഷം രൂപ കൈപ്പറ്റിയെന്ന ടി.ജി.നന്ദകുമാറിന്റെ ആരോപണം തികച്ചും വസ്തുതാ വിരുദ്ധമാണെന്ന് പ്രതികരിച്ച് ബിജെപി നേതാവും സ്ഥാനാർഥിയുമായ ശോഭാ സുരേന്ദ്രൻ.
നന്ദകുമാറിനോട് ഒരിക്കൽ സ്ഥലം വില്പനയെ കുറിച്ച് സംസാരിച്ചപ്പോൾ വില്പന നടത്താൻ തയ്യാറാണെന്ന് നന്ദകുമാർ അറിയിച്ചു. അഡ്വാൻസായി കാറിൽ നിന്ന് അയാൾ പത്തുലക്ഷം രൂപ അടങ്ങിയ പൊതിയുമായി വന്നു. എന്നാൽ പണം അക്കൗണ്ടിലൂടെ കൈമാറാൻ ആവശ്യപ്പെട്ട് അയാളെ തിരിച്ചയച്ചത് താനാണ്. ആ പണം മറ്റെന്തെങ്കിലും കാര്യത്തിന് വാങ്ങിയതാണെങ്കിൽ എന്താണ് അയാൾ തനിക്കെതിരെ കേസ് കൊടുക്കാത്തതെന്നും ശോഭ ചോദിച്ചു. എന്റെ സ്ഥലം വാങ്ങാമെന്ന് നന്ദകുമാര്‍ പറഞ്ഞു. അതിന്‍റെ അഡ്വാൻസായാണ് 10 ലക്ഷം വാങ്ങിയത്. പക്ഷെ റജിസ്റ്റര്‍ ചെയ്തില്ല. ഭൂമി എഴുതിവാങ്ങാന്‍ നന്ദകുമാര്‍ തയാറായില്ല. ഭൂമി അല്ലാതെ പണം നല്‍കാന്‍ ഞാന്‍ തയാറല്ലെന്നും അവർ പറഞ്ഞു.
പിണറായി വിജയനോളം പ്രാധാന്യമുള്ള കമ്യൂണിസ്റ്റ് പാർട്ടിയുടെ കണ്ണൂരിലെ നേതാവിനെ ഭാരതീയ ജനതാ പാർട്ടിയിൽ ചേർക്കാനായി ബിജെപിയുടെ നാഷണൽ കമ്മിറ്റി ഓഫിസിൽ നിരങ്ങിയ ആളാണ് നന്ദകുമാർ. ദക്ഷിണേന്ത്യൻ സംസ്ഥാനങ്ങളിൽ പുതിയ അംഗങ്ങളെ ബിജെപിയിൽ ചേർക്കുന്നതിനുള്ള ചുമതല എനിക്കാണെന്ന് ഡൽഹിയിൽ നിന്ന് മനസ്സിലാക്കിയാണ് നന്ദകുമാർ എന്നെ ബന്ധപ്പെട്ടത്. ബിജെപിയിൽ ചേരാൻ ആഗ്രഹിക്കുന്ന വ്യക്തിയെ നന്ദകുമാറിന്റെ വീട്ടിൽ വച്ച് കണ്ടിരുന്നു. എന്നാൽ നേരിട്ട് സംസാരിക്കാൻ തയ്യാറായില്ല. അങ്ങനെയല്ല നേരിട്ട് തന്നെ സംസാരിക്കണമെന്ന് ആവശ്യപ്പെട്ടു.
നേതാവിനെ ബിജെപിയിലെത്തിക്കുന്ന കാര്യം ഡൽഹിയിൽ വച്ച് ചർച്ച ചെയ്തപ്പോൾ നന്ദകുമാർ കമ്മിഷനായി വൻതുക ആവശ്യപ്പെടുകയും ചെയ്തു.
ബിജെപിയിലേക്ക് ആളെ കൊണ്ടുവരുന്നത് നന്ദകുമാറിനെപ്പോലുള്ളവർക്ക് കോടിക്കണക്കിന് രൂപ കൊടുക്കേണ്ട ആവശ്യമില്ല. പിണറായി വിജയനൊഴിച്ച് ആരെ കിട്ടിയാലും നല്ലവനാണെങ്കിൽ ബിജെപിയിൽ ചേർക്കാമെന്നും എന്നാൽ അതിനുമുൻപ് നേതാവിന്റെ ചരിത്രം പഠിക്കും. അതിനുശേഷം മാത്രമേ അംഗത്വം ബിജെപി നൽകൂ. ഏത് നേതാവിനെയാണ് ബിജെപിയിലേക്ക് കൊണ്ടുവരാൻ ശ്രമിച്ചതെന്ന് മാധ്യമങ്ങൾക്ക് മുന്നിൽ തുറന്നുപറയാൻ നന്ദകുമാറിനെ അവർ വെല്ലുവിളിക്കുകയും ചെയ്തു.
തൃശൂരിൽ ഗോവിന്ദൻ മാസ്റ്ററുടെ യാത്ര നടക്കുമ്പോൾ പ്രമുഖനായിട്ടുള്ള നേതാവ് ശോഭാ സുരേന്ദ്രനെ കാണാൻ എന്തിനാണ് രാമനിലയത്തിലെ മുറിയിൽ വന്നതെന്ന് നന്ദകുമാർ വെളിപ്പെടുത്തണം. അതുകഴിഞ്ഞ് എന്തിനാണ് ഡൽഹിയിലേക്ക് വന്നത്. അവിടെ വച്ച് നേതാവ് പാർട്ടിയെ പിളർക്കുമെന്നായപ്പോൾ നന്ദകുമാറിന്റെ കാൽ തല്ലിയൊടിക്കുമെന്ന് കണ്ണൂരിലെ പിണറായി വിജയന്റെ ലോബി പറഞ്ഞിട്ടാണ് നന്ദകുമാർ ശ്രമം പാതിവച്ച് അവസാനിപ്പിച്ചതെന്നും അവർ ചോദിച്ചു. തന്നെയുമല്ല അയാൾ കോടിക്കണക്കിന് രൂപ ചോദിച്ചുവെന്നും ശോഭാ സുരേന്ദ്രൻ പറഞ്ഞു.
