അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാവിലെ ചായയും കോഫിയും കുടിച്ചാണ് നമ്മൾ ദിവസം തുടങ്ങുന്നത്. എന്നാൽ വെറും വയറ്റിൽ കാഫീൻ എത്തുന്നത് അത്ര നല്ലതല്ല
നിരവധി ആരോഗ്യ ഗുണങ്ങള് അടങ്ങിയതാണ് നെയ്യ്. രാവിലെ വെറുംവയറ്റിൽ ഒരു ടേബിള്സ്പൂണ് നെയ്യ് കഴിക്കുന്നത് ദഹനവ്യവസ്ഥയെ മെച്ചപ്പെടുത്താനും മലബന്ധത്തെ അകറ്റാനും അസിഡിറ്റിയെ തടയാനും സഹായിക്കും. ആന്റി ഓക്സിഡന്റുകളും ഫാറ്റും മിനറലുകളും, വിറ്റാമിൻ എ, ഡി, ഇ, കെ, ഒമേഗ 3 ഫാറ്റി ആസിഡ് തുടങ്ങിയവ അടങ്ങിയതാണ് നെയ്യ്. രോഗപ്രതിരോധശേഷി വര്ധിപ്പിക്കാന് നെയ്യ് ഡയറ്റില് ഉള്പ്പെടുത്തുന്നത് ഏറെ നല്ലതാണ്.
ഒമേഗ 3 ഫാറ്റി ആസിഡും വിറ്റാമിൻ എ, ഡി, ഇ, കെ എന്നിവയൊക്കെ അടങ്ങിയ നെയ്യ് രാവിലെ വെറുംവയറ്റില് കഴിക്കുന്നത് ശരീരത്തിന്റെ ആരോഗ്യത്തിന് ഏറെ നല്ലതാണ്. രാവിലെ വെറും വയറ്റിൽ നെയ്യ് കഴിക്കുന്നത് തലച്ചോറിന്റെ ആരോഗ്യത്തിനും ഏറെ നല്ലതാണ്. കൂടാതെ ശരീരത്തിന് ഊര്ജ്ജം ലഭിക്കാനും ഇവ സഹായിക്കും.
എല്ലുകള്ക്ക് ബലവും ഉറപ്പും വര്ധിപ്പിക്കാന് നെയ്യ് സഹായിക്കുന്നു. ഒരു സ്പൂണ് നെയ്യില് 112 കലോറി അടങ്ങിയിട്ടുണ്ട്. ഇതില് 0.04 ഗ്രാം പ്രോട്ടീന്, വിറ്റാമിനുകള് എ, ഡി, കെ, 45 മില്ലിഗ്രാം ഒമേഗ 3 ഫാറ്റി ആസിഡുകള്, 2.7 മില്ലിഗ്രാം ഒമേഗ 6 ഫാറ്റി ആസിഡുകള് എന്നിവ അടങ്ങിയിരിക്കുന്നു.
വണ്ണം കുറയ്ക്കാന് ആഗ്രഹിക്കുന്നവര്ക്കും നെയ്യ് ഡയറ്റില് ഉള്പ്പെടുത്തുന്നത് ഗുമം ചെയ്യും. ചര്മ്മത്തിന്റെ ആരോഗ്യത്തിന് ഗുണം ചെയ്യുന്ന ഒമേഗ 3 ഫാറ്റി ആസിഡുകളും ആന്റിഓക്സിഡന്റുകളാലും വിറ്റാമിനുകളാലും സമ്പന്നമായതിനാല് ചര്മ്മത്തിന് തിളക്കവും ആരോഗ്യവും നിലനിര്ത്താനും നെയ്യ് സഹായിക്കുന്നു.
ഉറങ്ങുന്നതിന് മുമ്പായി ഒരു കപ്പ് ചൂടു പാലിൽ ഒന്നോ രണ്ടോ ടീസ്പൂൺ നെയ്യ് ചേർത്ത് കഴിക്കുന്നതു വഴി മലബന്ധത്തെ അകറ്റി നിർത്താൻ സാധിക്കുമെന്ന് ന്യൂട്രീഷന്മാർ പറയുന്നു. ദഹനപ്രക്രിയ മെച്ചപ്പെടുത്താനും മികച്ച രീതിയിൽ സഹായിക്കുന്നുണ്ട്. വിറ്റാമിനുകളായ എ, ഡി, ഇ, കെ എന്നിവ നെയ്യിൽ ധാരാളമായി അടങ്ങിയിട്ടുള്ളത് കൊണ്ട് തന്നെ പ്രതിരോധശേഷി വർദ്ധിപ്പിക്കാൻ സഹായിക്കുന്നു.
കുട്ടികൾക്ക് ദിവസവും ഒരു ടീസ്പൂൺ നെയ്യ് നൽകണമെന്നാണ് ന്യൂട്രീഷന്മാർ പറയുന്നത്. ബുദ്ധിവളർച്ചയ്ക്ക് ഏറ്റവും മികച്ച പ്രതിവിധിയാണ് നെയ്യ്. നെയ്യ് ശീലമാക്കിയാല് ആരോഗ്യകരമായ രീതിയില് കുട്ടികളുടെ തൂക്കം വര്ധിക്കും. കുട്ടികൾക്ക് പറ്റുമെങ്കിൽ വീട്ടിലുണ്ടാക്കുന്ന നെയ്യ് നൽകുന്നതാകും കൂടുതൽ നല്ലത്. വീട്ടില് തന്നെയുണ്ടാക്കുന്ന നെയ്യ് ആണെങ്കില് അവ ‘ഫാറ്റ് സൊല്യുവബിള് ആസിഡു’കളാലും ആരോഗ്യകരമായ ‘ഫാറ്റി ആസിഡു’കളാലും സമ്പുഷ്ടമായിരിക്കും.
