അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമാപ്രേക്ഷകരുടെ പ്രിയപ്പെട്ട താരങ്ങളാണ് പൃഥ്വിരാജും സുപ്രിയയും. ഇരുവരുടെയും പ്രണയവും വിവാഹവും എല്ലാം കേരളത്തില്‍ നീണ്ടകാല ചര്‍ച്ചകള്‍ക്ക് വഴിയൊരുക്കിയിട്ടുണ്ട്. ഇന്ന് ആ പ്രണയ വിവാഹത്തിന്റെ 13 വര്‍ഷങ്ങള്‍ പൂര്‍ത്തിയാവുകയാണ്. വിവാഹ വാര്‍ഷിക ദിനത്തില്‍ പൃഥ്വിരാജും സുപ്രിയയും പങ്കുവച്ച പോസ്റ്റാണ് സമൂഹമാധ്യമങ്ങളിൽ ഇപ്പോള്‍ വൈറലാവുന്നത്.
സുഹൃത്തുക്കളിൽ നിന്ന് ഒരു പെൺകുട്ടിയുടെ മാതാപിതാക്കൾ എന്ന നിലയിലേക്കുള്ള സുപ്രിയയോടൊപ്പമുള്ള യാത്ര അവിസ്മരണീയമായിരുന്നു എന്നാണ് പൃഥ്വിരാജ് കുറിച്ചത്. വലിയ സ്വപ്നങ്ങൾ കാണാനും കൂടുതൽ വെല്ലുവിളികൾ ഏറ്റെടുക്കാനും നമുക്ക് കഴിയട്ടെ എന്നാണ് ആശംസ കുറിപ്പിൽ പൃഥ്വിരാജ് പറയുന്നത്. സ്വപ്നങ്ങൾ സാക്ഷാത്കരിക്കാനായി പരസ്പരം പ്രേരിപ്പിച്ചുകൊണ്ട് മികച്ച ജീവിതം നയിച്ച് ഒരുമിച്ച് മുന്നേറാം എന്നായിരുന്നു സുപ്രിയയുടെ ആശംസ.
View this post on Instagram
‘‘എന്റെ പങ്കാളിക്ക് സന്തോഷകരമായ വിവാഹ വാർഷിക ആശംസകൾ നേരുന്നു. സുഹൃത്തുക്കളായിരിക്കുന്നതിൽ നിന്ന് അവിശ്വസനീയമായ പ്രത്യേകതകളുള്ള ഒരു പെൺകുട്ടിയുടെ മാതാപിതാക്കളിലേക്കുള്ള യാത്ര അവിസ്മരണീയമായിരുന്നു. വലിയ സ്വപ്നം കാണാനും കൂടുതൽ കഠിനമായ വെല്ലുവിളികൾ ഏറ്റെടുക്കാനും നമുക്ക് കഴിയട്ടെ. വരും വർഷങ്ങളിൽ ഈ യാത്ര നമ്മെ എവിടേക്കാണ് എത്തിക്കുന്നതെന്ന് കാണാൻ ഞാൻ കാത്തിരിക്കുകയാണ്.’’ പൃഥ്വിരാജ് കുറിച്ചു.
‘‘13 വർഷം പൂർത്തിയാക്കുന്നു. നമ്മൾ കണ്ടുമുട്ടിയപ്പോൾ ഉള്ള ചെറിയ കുട്ടികളിൽ നിന്ന് വിസ്മയകരമായ ഒരു പെൺകുട്ടിയുടെ മാതാപിതാക്കളിലേക്കുള്ള യാത്ര അവിസ്മരണീയമായിരുന്നു. ഈ യാത്രയ്ക്കിടെ ദുർഘടമായ വഴികളിൽ കൂടി നമ്മൾ എത്രദൂരം പോയെന്ന് എനിക്കോർമ്മയില്ല എന്നിട്ടും നമ്മൾ അതെല്ലാം അതിജീവിച്ചു. പ്രിയപ്പെട്ട പൃഥ്വിക്ക് പതിമൂന്നാം വാർഷിക ആശംസകൾ. ഏറ്റവും മികച്ച ഒരു ജീവിതം നയിച്ചുകൊണ്ട് നമ്മുടെ സ്വപ്നങ്ങൾ സാക്ഷാത്കരിക്കാനായി പരസ്പരം പ്രേരിപ്പിച്ചുകൊണ്ട് ഇനിയുള്ള ദൂരവും നമുക്ക് ഒരുമിച്ച് താണ്ടാം.’’ സുപ്രിയ സമൂഹമാധ്യമങ്ങളിൽ കുറിച്ചത് ഇങ്ങനെയാണ്.
View this post on Instagram
ആശംസകളുമായി നിരവധി താരങ്ങള്‍ പോസ്റ്റിന് താഴെ എത്തിയിട്ടുണ്ട്. മഞ്ജു വാര്യര്‍ ഇന്‍സ്റ്റഗ്രാം സ്‌റ്റോറിയായി പങ്കുവച്ചാണ് ആശംസ അറിയിച്ചിരിയ്ക്കുന്നത്. ബിബിസിയില്‍ മാധ്യമപ്രവര്‍ത്തകയായ സുപ്രിയയെ ഒരു അഭിമുഖത്തിന്റെ ഭാഗമായാണ് പൃഥ്വി കണ്ടുമുട്ടിയത്. പിന്നീട് ആ സൗഹൃദം വളര്‍ന്നു. ദീര്‍ഘകാലം നീണ്ട പ്രണയത്തിനൊടുവിൽ പൃഥ്വിരാജും സുപ്രിയ മേനോനും ഒന്നായത് 2011 എപ്രിൽ 25 നായിരുന്നു. ദമ്പതികൾക്ക് അലംകൃത എന്ന പെൺകുഞ്ഞ് ജനിക്കുന്നത് 2014ലാണ്. മാധ്യമ പ്രവര്‍ത്തകയില്‍ നിന്ന് സിനിമാ നിര്‍മാതാവ് എന്ന ചുമതലയിലേക്ക് സുപ്രിയ എത്തുന്നതും വിവാഹത്തിന് ശേഷമാണ്.
