അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കാസർകോഡ് റോഡരികിലൂടെ നടന്നു വരുന്ന ഒരു സിനിമാ താരം. ഒരു ഓട്ടോ ഡ്രൈവറുടെ അടുത്തു വന്നു നിന്ന് അൽപ്പനേരം സംസാരിച്ച് വീണ്ടും നടക്കുന്നു. സൂക്ഷിച്ചു നോക്കിയപ്പോഴല്ലേ ആളെ പിടികിട്ടുന്നത്. ബോളിവുഡ് താരം സണ്ണി ലിയോണിയാണ് ആ നടി. മൊബൈലിൽ ആരോ പകർത്തിയ ഈ വിഡിയോ സമൂഹ മാധ്യമങ്ങളിൽ വൈറലാണ്.
View this post on Instagram
കാസർകോഡ് സണ്ണി ലിയോണിനു എന്തുകാര്യം എന്നാണ് ചിന്തിക്കുന്നത്. പുതിയ ചിത്രത്തിന്റെ ഷൂട്ടിങുമായി ബന്ധപ്പെട്ട് കുറച്ചുനാളായി കാസർഗോഡ് ആണ് നടി. ദേശീയ അവാർഡ് ജേതാവായ പാമ്പള്ളി സംവിധാനം ചെയ്യുന്ന മലയാള ചിത്രത്തിലാണ് സണ്ണി ലിയോൺ വേഷമിടുന്നത്. ചിത്രത്തിന്റെ പൂജയുടെ വിഡിയോയും സണ്ണി കഴിഞ്ഞ ദിവസം സമൂഹ മാധ്യമങ്ങളിലൂടെ പങ്കുവച്ചിരുന്നു.
View this post on Instagram
സണ്ണി ലിയോൺ അഭിനയിക്കുന്ന നാലാമത്തെ മലയാള ചിത്രമാണിത്. മമ്മൂട്ടി നായകനായ മധുരരാജയിലും ഈയിടെ റിലീസ് ചെയ്ത മൃദുഭാവേ ദൃഢകൃത്യേ എന്ന ചിത്രത്തിലെ ഒരു ഗാനരംഗത്തിലും സണ്ണി ലിയോൺ പ്രത്യക്ഷപ്പെട്ടിരുന്നു. ‘ഷീറോ’ എന്നൊരു മലയാള ചിത്രവും നടിയുടേതായി അണിയറയിൽ ഒരുങ്ങുന്നുണ്ട്. ഇതിനിടെ ‘പാൻ ഇന്ത്യൻ സുന്ദരി’ എന്ന മലയാളം വെബ് സീരീസിലും സണ്ണി അഭിനയിച്ചു.
